ليه شاغلين بالنا بالجرح








كتير مننا بينخدع من ناس كتير بأسم الحب 
واصعب حاجه لما يجيله الجرح ده من اقرب الناس ليه 
او من اللي هو فاكر انه اقرب الناس ليه 
ساعتها مبيفكرش في اي حاجه غير كلمة (ليه)
ليه عمل فيا كده 
ليه اديته الفرصه انه يجرحني بالشكل ده 
ليه علشان بحبه افتكر اني ضعيف 
ليه عشان مأذتوش ومقستشي عليه يفتكر اني مقدرش اعمل كده 
ليه لسه بعد ما جرحني الجرح ده كله برضو بفكر فيه وبقول مش معقول 
ومش مصدق الجرح او البعد او الخيانه دي مع انها هيا اللي مخلياني افكر بالشكل ده 
ليه نفسي اكلمه واسأله انت عملت ليه كده 
مع ان النتيجه مش محتاجه لسبب 

ليه بنتعب عشان ننسي حد كنا بنحبه 
وفرقت بينا الحياه بأي ظرف من الظروف 
وليه هو مقدرش ع الظروف دي واتمسك بيا زي ما احنا اتمسكنا بيه
ليه نكون عارفيين الحاجه دي هتتعبنا وبرضو نعملها وفي الاخر نقول ادينا بنتعلم 
ليه علشان غلطه من حد ميستحققش تظلم كل الناس وتقول عليهم زيه خاينيين 
وتفقد ثقتك في كل الناس وتضيع حلمك واملك بأيدك بمبرر انه مستحيل يتحقق 

***
**
*

سهل جدا انك تنسي انسان جرحك حتي لو كان في يوم من الايام اقرب انسان ليك 
بسهوله جدا انك تفتكرلو الجرح ده وايه سببه حتي لو مكنش بأيده ليه متمسكش بيك 

وفي نفس الوقت متظلموش وتقول عليه كلام ولا اي حاجه تجرحه 
برضو دا في يوم من الايام كان مصدر سعادتك
مش يمكن انت اللي غلطان عشان محسبتهاش صح 
مشوفتش الطريق اللي انت داخله ده نهايته ايه ؟
زي ما ممكن يكون نهايته جميله وحلوه ونفسك فيها 
برضو اكيد ممكن تكون نهايه مستحيل انك تستحملها وتكون عواقبها وحشه ليك 

***
**
*

بلاش عشان اتخدعت في حد تفتكر انك ممكن تتخدع من كل الناس 
زي ما في انسان يقدر يخدعك ويوهمك ويتعبك 
اكيد برضو في انسان يقدر يحبك ويصونك ويسعدك 

الحكايه كلها مكشوفه قدامنا كلنا 
معروف الغلط ايه والصح ايه في كل حاجه 
بس احنا اللي احينا بنحب نصحح الغلط 
وللاسف بيبئا بغلط اكبر 
وكذلك بئا لحد ما يكبر الغلط ولا قدر الله يبئا مصيبه منقدرش ننكرها 

***
**
*


الانسان اللي مقدرش يكمل معاك حياتك وسابك وراح لغيرك متلوموش
اكيد في يوم من الايام ساب حد عشان يجيلك انت 
او اكيد في يوم من الايام هيسيب الشخص ده ويرجعلك ندمان او يروح لغيركم 
يبئا الغلط مش فيك 
الغلط فيه هو 


***
**
*

خلينا ديما نفترض حسن النيه عند اي حد بنحبه او بيحبنا او ما بينا علاقه طيبه
لان لو افترضنا سوء النيه تبئا مصيبه 



 في النهايه بتمني للجميع السعاده في كل شئ 
والتفكير في كل شئ بعقلهم وقلبهم 
فكرو بعقلقم في حجات محتاجه لتفكير بعقل 
وفكرو بقلبكم في حجات محتاجه لتفكير بالقلب 
وفكرو بيهم الاتنيين لو كنتو مش عايزيين تغلطو 


***
**
*










2 عايز تقول رائيك؟:

Bent Men ElZman Da !! يقول...

بنقعد نسأل ليه كتير
ومابنفكرش ان ربنا ممكن يكون عمل كده خير لينا
مش كل الناس كويسه
بس كمان مش كل الناس وحشه

Unknown يقول...

مظبوط الكلام
نورتي المدونه :)

مازلت عايش في الحياه بكيفي