يااااااااااااه علي احساس الانسان لما يكون بيحب حد اوي ويبعد عنه
بيحس انه ناقصه حاجه ومش اي حاجه بتبئا اغلي حاجه نقصاه
وياااااااااااه لما يحس انه مش هيقدر يرجع لحبيبه ده تاني
ويحس ان الامل ضاع في الرجوع وفي حياه كان نفسه يعشها معاه
ويشوف بعنيه الانسان اللي كان بيحبه ده بيروح لحد تاني يعيش معاه قصه جديده غير قصته
بيحس انه بيتخان وبينضرب في ضهره حتي لو هما الاتنيين موافقيين ع البعد ده
مستحيل يكون حد بيحب حد اوي وحتي لو سابه بعض ممكن يتخيل ان الانسان ده ممكن يكون لحد تاني غيره
شعور الامتلاك في الحب ده شئ طبيعي لانك بتحب انسان معين وهو بيحبك بتوهبله كل حاجه فيك والعكس
يعني امتلاك متبادل طبيعي وشعور رائع وجميل
اصعب حاجه في الدنيا انك تستني رد او قرار من حبيبك ليك في حكاية البعد
كفايه مرارة البعد علي قلبك تييجي كمان مراره اظلم وهي مرارة الفراق النهائي
اي حد بيبعد عن حبيبه لاي سبب بيبئا عايش علي امل انهم يرجعو لبعض تاني
طب ايه العمل لو البعاد ده بيظلله انعدام الامل في الرجوع ؟
وياااااااااااااه علي جمال حبيبك لما تقوله انك بتحبه وانك مش متخيل انك هتكون لحد غيره
وهو يحس الكلمه دي اوي اوي ويفهمها كويس ويطمنك انه مش هيسيبك
ويااااااااااااه علي احساس الانسان لو حبيبه كان رد فعله عادي جدا بعد ما يعرف كده
بيحس انه مش قادر يتنفس ولا قادر يتكلم مع حد
نفسه يتكلم معاه هوه
نفسه يحضنه ويبكي في حضنه
ويقوله انا مليش غيرك انا هموت في بعادك
وبرضو هيكون رده عليه نفس الرد ونفس البرود
اصعب احساس في الحب
انك تحس ان حبيبك هيكون لحد غيرك
ممكن تكون دي غيره
بس لاء مش غيره ولا عزة نفس
دا شعور لسه محدش قدر يخترع له اسم لحد الان
نصيحه لكل حد بعد عن حبيبه وهو السبب
لو الانسان ده بيحبك بلاش تبعد عنه
بلاش تسيبه ينهار قدام عنيك وانت مبسوط
بلاش حتي تقول اني هتقل عليه شهر ولا اتنيين وبعدين ارجعله احسن من الاول
مش يمكن لو رجعتله يكون هو اتعذب من بعدك وقلبه قسي عليك وميرضاش بيك تاني
ويبئا نفعك ايه الفراق ؟
يبئا نفعك ايه غرورك ؟
نفعك ايه بعادك عن قلب بيتمناك كل لحظه ؟
بلاش تدو الفراق مساحه في حياتكم
لان الفراق لو أخد مساحه في حياة اي اتنيين بيحبو بعض وحتي لو صغيره جدا
بيكبر نفسه بنفسه لحد ما يملئ الحياه دي ويكون هو الملك فيها
والنهايه تكون موجوده بسبب لحظة فراق في يوم من الايام
2 عايز تقول رائيك؟:
جميلة
للاسف دايما اللي بيحصل اننا مبنرجعش حتي لو انهار اللي احنا مبنحبه
متفهمش بقا ليه
يمكن قلة رحمة مننا او يمكن عارفين انه خلاص معدش نافع
يمكن
بس انا شايف ان الاكيد عشان بنبالغ في البعد والزعل مع اول غلطه فدي بتكون اول مؤشر للفراق
هو السماح للفراق ولو للحظه من البدايه بيكون اشاره قويه للنهايه لان الاتنين بيتعودو خلاص مره واتنين وتلاته انهم يعيشو من غير بعض عادي
نورتي المدونه
إرسال تعليق