حكاية شعب




http://n4hr.com/up/uploads/1010adbde1.jpg






حكاية شعب قالو عليه خلاص شاخ وانتهي
ولو قامتله قومه تاني دي حاجه من الخيال
ونسيونا وداسو الحلم اللي بيبتدي
وقالو عادي يعني في ايه دول حبة عيال

أخرهم يرمو طوب
أخرهم يصرخو
لكن كتر العيوب
خلتهم يخرجو

في يوم الغضب بان الغضب وشفنا جيل طالع جديد
مش بالعدد ولا بالسند ده شباب عزيمته من حديد



حكاية شعب يما هانوه وعليه اتفرعنو
ونهبو كل شئ جواه وقالو بنخدمه
فقرر الشباب ينزل يزلزل العروش
وهبو في الطغاه وقالو احنا ما بنخافوش

وشاب عيط م الكسوف
قال بلدي مش رقاصه
وعشان ملوش في الهيافه
مات في مظاهره برصاصه

حكاية شعب قالو عليه خلاص شاخ وانتهي
ولو قامتله قومه تاني دي حاجه من الخيال
ونسيونا وداسو الحلم اللي بيبتدي
وقالو عادي يعني في ايه دول حبة عيال


مكنش في اي طريقه تانيه
عشان نقول احلامنا
مكنش في اي مسؤل فاضي
يضيع وقته ويسمعنا

علشان يقابل حد مهم
يقولو الواد اتجنن
يموت نفسه يقول أروح
استناه في جهنم

دي مش اخر الحكايه
في لسه اجيال زينا
هياخدو حقهم برضاكو
او بالزفتنا


وشاب عيط م الكسوف
قال بلدي مش رقاصه
وعشان ملوش في الهيافه
مات في مظاهره برصاصه

يا نظام ملهوش كبير
ومصغر دايما كبيرك
وفارشله الارض حرير
وسادد ودانه بطينك

لكن لو كان عارف ان الحاله وصلت للدرجه دي
يبئا يا نهار مش فايت يا نهار اسود يا بلادي
وان كان بسببكم لسه ميعرفش وشايف لسه حرير
يبئا ادينا عرفناه بس ميستناش نفتكره بخير



 اهداء الي دم الشهداء 
اهداء الي ثوار 25 يناير وجمعة الغضب 

إرسال تعليق
مازلت عايش في الحياه بكيفي