استفتاء الدستور 15/12/2012






الـنهارده 15/12/2012 اليوم اللي هيتم فيه الاستفتاء علي دستور الاخوان في مصر !
من حيث المبدء انا رافض الدستور من الاول !
رافض تشكيل لجنة صياغة الدستور اللي مرسي نفسه وعد بتعديلها فور توليه الرئاسه وده كان سبب من الاسباب اللي خلتني أقاطع المقاطعه وأنزل انتخبه في الاعاده !
ولكن كعادته : كـذاب !


1 – الدستور مش كله وحش , ومش كله حلو بس هو اولا واخيرا فاكس !

2 – فكرة قولو " نعم " وهنعدل المواد المطلوب تعديلها في اول جلسة برلمان دي هتكون الدعايه المبدئيه لحزب الحريه والعداله في انتخابات البرلمان عشان يعدل اللي هو اصلا مش معترض عليه !

3 – الاستفتاء علي يوم واحد فقط !

4 – في مئات الألاف من المصريين المهاجرين " داخلياً " واللي بحكم قانون استفتاء الاخوان مش هيكون ليهم حق ينتخبوا غير في محل ميلادهم , وده شبه مستحيل لاننا في نص الشهر !


معلومه سريعه :
في استفتاء مارس 2011 كان الانتخاب مفتوح لأي مصري يحمل بطاقة الرقم القومي وفي أي لجنه انتخابيه في الجمهوريه ككل .. !

محمد مرسي تم تغيير محل إقامته لـ التجمع الخامس , عشان ينتخب في القاهره ... !


5 – أكثر المتواجدين أمام اللجان الانتخابيه بيكون شباب الاخوان ورجالتهم , وأعتقد هيكون ليهم دور الحسم في التنظيم الفاشل لدخول اللجان مع اقتراب نهاية اليوم .. !

بـمعني ..  !
انهم اول ناس بيروحو يصوتو الصبح بدري ومن الممكن تضيع وقت كبير لان وقت الانتخاب محدد بنهاية اليوم مع الحياديه في منتصف اليوم والاقبال علي اللجان من المصريين , ثم التدخل الحاسم في نهاية اليوم لتسهيل دخول من يعلمون انه موافق علي الاستفتاء للإدلاء برأيـه وبذلك تزيد حصتهم التصويتيه ويكونوا هم المستفيد الوحيد من اجراء استفتاء علي دستور بلد في يوم واحد !!


6 – ان كانت النتيجه بـ " لأ " هتتغير المعادله السياسيه في مصر المرحله الجايه .. !

7 – الاخوان يروجون بأن في حالة رفض هذا الدستور ستدخل البلاد في مرحلة فراغ دستوري !

أري .. !
لو تم رفض الدستور ستكون الصدمة الكبري للاخوان وتيارهم , ومش هيلجئو للشارع مره اخري في اقرب فرصه لانتخاب الجمعيه الجديده , وهيتم استدعاء دستور 71 بمواده المعدله والتي تم الاستفتاء عليها في مارس 2011 والعمل بيه باقي فترة ولاية مرسي الاولي .. !

طب ليـه .. ؟

الاخوان مش فاضيين ليكم عشان يضيعوا الوقت في دستور وكلام فارغ من ده , اعتقد انهم اذكي او أخبث من كده بكتير , لانهم لو دخلوا في مشوار جمعيه بالانتخاب و6 شهور علي دستور جديد ثم مجلس شعب ثم , ثم , ثم ... هيضيع وقت كتير من ولاية مرسي دون أي ايجابيه تذكر لهم .. !

ثانياً : مش هيغامروووو لانهم ميعرفوش مين الاغلبيه في الجمعيه الجديده , وان الجمعيه الجديده ممكن تحط ماده تفرض انتخابات رئاسية جديده بعد وضع الدستور الجديد .. ؟
لذلك الاخوان لو فشلوو في اقرار دستورهم ده , هيستميتو من اجل العمل بدستور 71 لأطول فتره ممكنه .. !
ولو تمت الموافقه الشعبيه علي دستور الاخوان فـ يجب علينا جميعاً أن نرحب وبسعة صدر بدولة الاخوان الاولي , وسيبدء بالفعل زمن الاخوان .. !


أنـا سأصوت بــ لأ
المعركه أبدا لن تكون بين دستورية قوانين من عدمها .. !
هي معركة حياه او موت للاخوان .. !








إرسال تعليق
مازلت عايش في الحياه بكيفي