ألبوم واحد محتاجلك 2







8 / لـحد النهارده 



لحد النهارده 
انا لسه بندهلك ولسه بحن ليك 
لحد النهارده 
انا مش مصدق اني ممكن اهون عليك 
لحد النهارده 
شايل جميل انك قبلت تكون في يوم .. اقرب ما ليا 


والايام مبتستناش 
حالي تاعبني ومبنساش
ازاي رد وقولي ازاي 
كل ما احاول أنسي في قلبي , برضو بيعند مبيرضاش

الايام بتمر عليا 
بكسب حاجه وبخسر 100
وازاي رد وقولي ازاي 
بعدك هكسب ايه مـ الدنيا , بعدك انا وقلبي ملناش


وحياتك ولحد الليله 
بحلم ترجع تاني معايا 
الايام بتمر طويله 
وانا مش قادر انسي هوايا 

انا اهون عندي اني اموت 
لو كنت انت خلاص مش ليا



9 / محلاها الدنيا ويـاك 




محلاها الدنيا وياك
يا قمري قلبي بيهواك
يا اغلي من النجمه العاليه 
يا حيرتي وانا بستناك 

في عيونك انا شفت سنين 
فاتو قبلك راحو مش راجعين
وندمت عليهم كان نفسي 
يستنو أعشهم لـ هواك

زي النسمه هواك في القلب
عرفتني ايــه معني الحب 
خلتني ارجع احب الدنيا 
بعد ما كانت مليانه كدب 

وصلتني ولأبعد حـد 
خلتني اعرف احب بجد 
ده كفايه احساس قلبي معاك 
زي ما بيحب بيتحب 


قبلك عشت كتير في جراح
ويـاك عايش وانا مرتاح 
متهني وقلبي في افراح 
مطمن علي نفسي معاك 

قبلك شفت بجد كتير 
بس معاك قلبي بئا بخير 
وبقيت بعرف طبعا أغير 
علشان روحي انا عشقاك 

زي النسمه هواك في القلب
عرفتني ايــه معني الحب 
خلتني ارجع احب الدنيا 
بعد ما كانت مليانه كدب 

وصلتني ولأبعد حـد 
خلتني اعرف احب بجد 
ده كفايه احساس قلبي معاك 
زي ما بيحب بيتحب






10 / علشان اعيش



لو ع الفراق هقدر عليه
 ده انا عشت عمر مستحمله 
وان كان طريقي وقفلي فيه 
انا بعد منه هكمله


بإيديا هقتل حلم كنت هموت زمان و أحققه 
 واللي عملته أي حد مكاني كان هيعمله 
/
علشان أعيش لازم يموت جوايا لازما أخسره 



فاكر يا قلبي لما كنا بنبكي يوم ما نزعله 
انا وانت كنا حد شاريه بعمره كان مقدره 
فوتنا يما وقولنا يمكن ييجي يوم ونغيره 
وبعد كل ده , جه وخان الحب بينا وضيعو 


بإيديا هقتل حلم كنت هموت زمان و أحققه 
 واللي عملته أي حد مكاني كان هيعمله 
/
علشان أعيش لازم يموت جوايا لازما أخسره 







11 / مـ البعد عنك 




مـ البعد عنك
بقيت كإني حد ناسي حتي اسمهُ
وحياتي عندك
تقولي امتي الحب بينا هبئا ناسيو


أول فراق يحصل ما بينا
كسرنا واتزلينا فيــــه
شوفت انت حالك بعد مني
وانا لسه قلبك ببكي ليه

يمكن عشان لو مش هترجع
أبئا وافي لوعد , طبعا انت عارفه



مـ البعد عنك
حالتي وصلت لمرحله تخوف بجد
انا لسه شاريك
وحاسس انه هييجي يوم نرجع لبعض

يادي الزمان اللي احنا فيه
يادي الظروف المبعده
انا وانت منه شوفنا يما
حجات كتير كات متعبه

لكن إيديا كانت في ايدك
كنا بنصبر في بعض

وأول فراق يحصل ما بينا
كسرنا واتزلينا فيه
شوفت انت حالك بعد مني
وانا لسه قلبك ببكي ليه

يمكن عشان لو مش هترجع
أبئا وافي لوعد , طبعا انت عارفه








12 / قصة غرامنا بتنتهي 




قصة غرامنا بتنتهي
قصة وداعنا بتبتدي
واللي واجعنا هنستفيد
ايـه مـ الــوداع

راجع لعيشه كرهتها
جتلك وهربان منها
صدمه مكنش ده وقتها
والحلم ضــاع


ومفيش حياه هنعيشها يوم تاني ما بينا
ومفيش غرام في قلوبنا يبئا في يوم زاللنا
وبئا الوداع لواحده يا خساره مصيرنا
وبئا الحنيين جوانا قرب للنهايه

هاعيش لوحدي وانت عيش من بعد مني
هاعيش بجرح وعادي عندي تكون ظالمني
وبلاش تفكر نبئا يوم لبعض تاني
دا انت بأيديك دمرتني خلاص كفايه



حاسس بحبة راحه بعد ما سِبت قلبك
لكن حقيقي عايش في نار في بعدي عنك
ونفسي ارجعلك لكني هكون ضعيف

انا لازم اثبتلك شجعتي وقوتي
واني انا اقدر اعيش في وحدتي
وهحس بالراحه اكيد لكن خفيف






13 / ملوش لزوم 




ملوش لزوم الكلام ده 
 بلاش نزعل بعض
خلاص ادينا هنفترق 
وهنتحرم من بعض

واللي بينا لما نفتكره احساسنا هيكون عادي 
ومن النهارده حبك وحبي بئو حاجه م الماضي
بلاش نقول في كلام ونجرح بعض ع الفاضي
هيحصل ايه لينا اكتر من ان احنا هنبعد 

خليني لما افتكرك اقول ده كان ليا 
ولو ندمت علي فراقنا اجيب العيب عليا 
بلاش تكمل في الكلام ده وتغلط فيا 
بالشكل ده بعد الفراق انت اللي هتتعب 




لو حسيت ان انت تعبت من اللي عملته معاك 
افتكر اليوم اللي انا جيت فيه وقولتلك بهواك 

وقول ده كان انسان شاريني 
عمل كتير علشان يرضيني 
واللي فرق بينه وبيني 
مهوش هو أكيد 

وبلاش بعد الفراق تنساني
وافتكرني بأحلي الاغاني 
واما تعرف حب تاني 
ما تقارنيش بالجديد 







14 / واحد محتاجلك 




واحد محتاجلك 
بينادي عليكي وبيقولك 
خليني معاكي انا بحبك 
ومتسألنيش .. ازاي وليه 

واحد طول عمره 
بيحلم بيكي وعايزك جنبه 
نفسه يقولك ويصارحلك 
تقبليه ؟ 


حلم حياته ترضي تكوني 
شريكة عمره وضي عيونه 
يعيش وياكي ايامه الباقيه 
مهما تطول او مهما تكون 

قابلك بعيوبك علي بعضك 
وبيتعهد انه يكونلك 
أأمن حضن ومصدر فرحك 
وبيحلف عمره ما هيخون 


واحد شال قلبه 
وحطه في ايدك ياللي حبيبته 
نفسه تردي ولا تصديه 
وتوافقي عليه 

واحد يستاهلك 
ويضحي بنفسه عشان راحتك 
بيقولك ان انا مرتاحلك 
هتردي بإيــه 








انتهي 
تحياتي : عبدالرحمن سامي 


للعوده الي الجزء الاول من الالبوم 


للمشاركه علي صفحة الفيس بوك الخاصه بالكاتب




.
مازلت عايش في الحياه بكيفي