لسه في وقت







1 / مصدقتش 



قالولي عليك
كلام بجد شوقني ليك
من قبل حتي ما اشوف عنيك
ملكني احساس وعشت فيه

حسيت وكإن
لو مش هشوفك انا هتجن
اشتقت ليك اوي وقلبي حن
مع اني معرفش شكلك ايه

وانا مـصدقتش 
الا ما شوفت بعيني قدامي
شوفت انا فيك يا حبيبي احلامي
والحلم اللي عايش ليه

هيكون قدامي
لما تكون يا حبيبي علشاني
واما اشوفك بين احضاني
هشوفه بيك


حياه وغراني
لازم أعشها ولو لـ ثواني
انا لو بضحي بضحي عشاني
علشان سعادتي هتبئا معاك

بالله تصدق
انا عمري عمري ما كنت أصدق
لو حد قالي ان انت هتفرح
يوم ما اجي ليك واقول بهواك



وانا مـصدقتش 
الا ما شوفت بعيني قدامي
شوفت انا فيك يا حبيبي احلامي
والحلم اللي عايش ليه

هيكون قدامي
لما تكون يا حبيبي علشاني
واما اشوفك بين احضاني
هشوفه بيك


.....


2 / قلبي بيندهلك 





حـبـيـبـــــــي 
حبيبي 
قلبي بيندهلك رد عليه 
حضني مشتاقلك قرب ليِه
ايوه انا بحبك خايف ليه 
انا كلي فداك ليه بتهرب ليه 

انا جاي بحلفلك وحياتي عندك 
لتبطل تتقل وتسيب عِندك
حابب اكون ملكك 
عاوز اكون عندك 
قلبي بيندهلك 
رد عليه 

معني السحـاب بالنسبه ليا 
هملُك حيــاتي لو كنت ليا 
سهلها ليا 
قرب شويه 
قلبي بيندهلك رد عليه 

حضني مشتاقلك قرب ليِه 
ايوه انا بحبك خايف ليه 
انا كلي فداك ليه بتهرب ليه 



عارف لو تعرف ايه جوايا 
عمرك ما هترضي غير بهوايا 
ولا هاتعيش ثانيه غير ويايا 

في الليل انا بقعد اكتب ليك 
ما بلاقي كلام يقدر يوفيك 
يقدر يرضيك 
لاء ويليق بيك 
وقلبي بيندهلك رد عليه 

حضني مشتاقلك قرب ليِه 
ايوه انا بحبك خايف ليه 
انا كلي فداك ليه بتهرب ليه

..


3 / فينك من زمان 





فينِك من زمان 
فعلا وحشتيني 
انا لسه في المكان 
مستني لما تجيني 
وحاسس اني هفرح 
لما ارجع دنيتك

فينك من زمان 
بجد مشتاقلِك 
ابئا كداب جبان 
لو قولت انا مش بحبِك 
انا قلبي لسه فاكرِك 
وفاكر ضحكِتك 


طب فاكره لما انا وانتي كنا بنتكلم وبنحكي 
انا فاكر كل حكايه ومن حلاوتهم كنا بنبكي
لا وفاكر لما خاصمتك وانتي جتيلي وكلمتيني 
وقعدتي تصالحي وتشكي لحد ما سلم لعنيكي قلبي

طب فاكره البت جارتنا اللي تملي كنتي تغيري منها 
وان عدت وانا وياكي كان نفسِك تطلع عينها 
وانا فاكر مره عشانك لما ضربت صاحب كان ضايقك
حكايتنا انا عمري ما كنت ناسيها دي حاجه محفوره في قلبي 


فينِك من زمان 
أصلا مغبتيش عني 
انا عايش في الزمان 
اللي كنتي فيه جنبي
وكل يوم بليل 
دايما بفكر فيكي 

فينِك من زمان 
ناويه تاني تغيبي ؟
ولا خلاص اللي كان 
لا بإيدِك ولا بإيدي
مش سهل انا تاني أسيبِك
ولا سهل أفرط فيكي 


فاكره أول كلمه كنا نقولها لما بقابلِك 
فاكر لمست ايدكِ بيها انا بسمع دقات قلبِك
واما بنمشي مع بعض وايدي كانت جنبِك
وكنتي بتستهبلي علشان تيجي ايدك في ايديا 

طب فاكره اللعبه اللي احنا تملي كنا بنلعبها 
طب فاكره جارتنا وجرينا منها بعد ما نخبط بابها 
انا فاكر لسه الايام دي و فاكر تسريحة شعرك
كنتي انتي جميله ودلوقتي بقيت اجمل في عنيا 

فينك من زمــان 


..


4 / قدام قبرك 



بكيتك قبل ما ابكي عليك 
وسبت بحور دموع في عنيك 
واخر مره قولت عليك 
انك مبتحسش

دلوقتي قاعد انا ندمان 
وسرحان فيك وفي الاحزان 
ياريت اصحي تكون اوهام 
وتكون انت ما موتش


قاعد بمسح في دموعي 
والوحده ملتلي ضلوعي 
ياريتني انا كنت مكانك 
وفداك انا تطلع روحي 

الله يرحم ايامك 
ويصبرني علي فراقك 
معلش انا اخر مره جرحتك 
قلبي مكنشي في طوعي 


ياريتني ما كنت قابلتك اخر مره ياريتني ما كنت 
ياريتني ما كنت قسيت  علي قلبك ولا مني انت زعلت 
ازاي انا هقدر اكمل في حياتي بعد انت ما مُت 
وانا عارف انك ميت وانت زعلان مني 
وازاي انا هقدر اسامح نفسي
 م اللي عملته انا فيك 
بكيتك 
قبل ما ابكي عليك 



انا واقف قدام قبرك دلوقتي ياريت تبئا سامعني 
هو مكنش في اي طريقه غير ديت علشان تعاتبني
ده لحد الثانيه اللي انا دلوقتي واقف بتكلم فيها 
مش قادر اصدق انك مُت وقلبك زعلان مني 

طول عمرك حبك ليا أكبر من إخلاصي انا ليك 
وانا عارف برضو ان انا قلبي عمره ما هان يوم عليك
واكيد وبرغم اللي عملته بغبائي وقسوتي فيك 
مُت وانت مسامحني 
مُت وانت مسامحني 


..


5 / فات القليل 



اعتراف
الليله جاي وبعترف قدام سموِك
ودموعي دي ليها الشرف
تنزل وانا بقولك بحبــِك

فات القليل ماعاد ماعاد الا الكتير
وانا قلبي راضي انه يكون لقلبك أسير

انا مـ الليلادي بعترف بحبي الكبير
انا مش هاممني ان كنتي اول حب ليا
بس الاهم انه هيكون الاخير


انا بوعدك مهما يفوت بينا الزمان
حضني هيفضل ليكي دايما معني الامان
قلبي هيفضل للنهايه ليكي عشان ,,
قلبي ده ملكك
والليله جاي وبعترف قدام سموِك
ودموعي دي ليها الشرف
تنزل وانا بقولك بحبــِك

..


6 / دبله وخاتم 



بعتيه 
علشان دبله وخاتم 
وعايزاه يفضل كاتم 
اللي ما بينكو وينساه 
ويعاملك زي الناس 

طب ليه 
تكسري خاطر قلبه 
تسرقي أغلي ما عنده 
ويعيش بعدِك مجروح 
ويموت منه الاحساس 



لفي ودوري 
دوري علي قلب يحبِك 
زي ما قلبه كان حابك 
واكيد هتلاقي اللي هيرضيكي 
ويكفي طموحك 

روحي للي هيدفع اكتر 
واتغري في نفسك أكتر 
لكن يوم ما هتندمي وهتبكي  
هتبئا رخيصه دموعك 




لو كان يقدر انه يقدر 
تمنك 
علشان تبئي معاه
كان عادي جدا يدفع عمره 
لقلبك علشان يوم يهواه 


لكن شكرا علي إخلاصِك 
ياللي بعتي أقرب ناسِك 
مردوده بإذن الله ليكي 
ويخونك اللي انتي وياه 



هيبيعك وهيرميكي 
وهيفتكر انه شاريكي 
يعني بفلوسه كاسر عينك 
وبفلوسه تاني ينسيكِي 

هتعيشي طول عمرك متباعه 
وهتبئي زي الولاعه 
من ايد لايد من جيب لجيب 
طول ما الفلوس اللي بترضيكي 

..



اكمل قراءة الالبوم 



مازلت عايش في الحياه بكيفي