ألبوم واحد محتاجلك







1 / يا حياة قلبي 



قلبي مشغول عليكي
 في كل ثانيه ودي مش طبيعتي 
من كتر ما اتشد ليكي 
بقيت احسه حاجه مش بتاعتي

يـــــا حياة قلبي 
انا هنا وحياة قلبي 
حالف لأكون جنبك 
وتكوني معايـــــا 

مـين غيري يــــحبك 
ويضحي بعمره عشان عمرك 
انا هنا وحياة قلبك 
طالبك لهوايـــــا 


مشغول من يوم ما شوفتك 
بحاجه واحده هي قلبك 
ازاي اجيلك واقولك 
اني بـــحبك 

فكري حتي لـ دقيقه
واجهي ولو لـمره الحقيقه
اني امشي وابعد عن عنيكي 
ده لا لا يــمكن 





2 / بقالي مـُـده 



بقالي مـُده بحاول ألفت نظرك ليا
ويوم ليوم حدوتك بتتصعب عليا 
اديني فرصه أشرحلك انا ليه مهتم بيكي 
وليه انا قررت أخد الخطوه ديـــــــا 

أول ما شوفتك 
قلبي انا ارتحلك 
وحاولت أجي واصارحك ..
لكني , خوفت من ردك 

أنا قولت أستني 
لتفكري بعاكسك 
واخسر انا قلبك ..
عشان , بس سوء ظنك 


أنا أول مره شوفتك فيها اتخطفت 
واما عنيكي جت في عيني ارتبكت 
لمستي حاجه جوه قلبي واتعاهدت ..
مع نفسي انه هييجي يوم وهبئا جـنـبـك


أول ما شوفتك 
قلبي انا ارتحلك 
وحاولت أجي واصارحك ..
لكني , خوفت من ردك 

أنا قولت أستني 
لتفكري بعاكسك 
واخسر انا قلبك ..
عشان , بس سوء ظنك




3 / بموت في غباوته 



أل يعني فاكرني ان انا هتغاظ
لما بيكدب ويقول للناس
ان انا عمري ما كنت حبيبه ..
ولا عمره في يوم فكر فيا

ده انا حافظه وحافظ حركاته
ده بجد حقيقي علي نياته
بيحاول يشْغل أوقاته ..
ويشوف ازاي يرجع ليا


طب حد يقولو ان انا بضحك
كل اما اعرف
قال عني ايه

حد يوصله اني بحبه
بموت في غباوته
لما بيتأكد ان انا مش راجع تاني ليه



مش أول مره المره دي 
ده عملها كتير الحركه دي
موتو وسمهُ يجر في شكلي ..
علشان أبدء انا بالكلام 

أول ما أشوفه أعمل زعلان 
وبيعمل فيها أل ايـه تقلان
وأروح وأعمل نفسي بعاتبه ..
يقولي سامحني حبيبي انا غلطان 


مقدرش أمسك نفسي قصاده 
فأضحك يضحك وبنبئا لذاذ ..
وبنرجع تاني ونتخاصم 
يرجع يكدب وفاكر هتغاظ ..


طب حد يقولو ان انا بضحك
كل اما اعرف
قال عني ايه

حد يوصله اني بحبه
بموت في غباوته
لما بيتأكد ان انا مش راجع تاني ليه




4 / ســـامحني 




ســـامحني 
تعبت ومش قادر انساك 
بعد منك عشت وحيد 
كل يوم بيفوت في فراقك 
غصب عني انا شوقي يزيد

عارف , ان انا اللي اخترت 
عارف , ان انا اتسرعت 
لكن , حاسس اني ندمت 
ياريت تســـامحني 


انا من بعديك بتألم 
لو قلبي بيعرف يتكلم 
هيقولك أسف وسامحني 
ملاني الخــــــوف 

انا لسه وهفضل بهواك 
هفضل دايما بترجاك 
ترجعلي وترحمني بحبك 
اعمل معـــروف 




فكرت ان انا من بعدك
 هقدر اتحمل  
وأديني اهوت مش قادر
 وحدي أكمل 
صدقت ان انا يما ظلمتك 
وبجد حقيقي انا بتأسف 
وفهمت كلامك عن قلبي 
وازاي ويـــاك استندل 


  و انا من بعديك بتألم 
لو قلبي بيعرف يتكلم 
هيقولك أسف وسامحني 
ملاني الخــــــوف 

انا لسه وهفضل بهواك 
هفضل دايما بترجاك 
ترجعلي وترحمني بحبك 
اعمل معـــروف




5 / مبحسش وانا بخون 




أيوه اللي بينا مكنش حب 
عمري في حياتي ما وفيت لحد 
ده طبع فيا وعـــارف 
بقول علي نفسي ايــه ..

مــ الدنيا دي يما اتخدعت 
في عز فرحي يما خوفت 
ملقتش فيها غير كل كدب 
وشوفت يما كتير ودوقت مـ اللي انت فيه ..


والايام بتجيب ايام 
ونسيت وياها ان انا انسان 
زي الكل ما بعني زمـــــان
قلبي اتعود ع الاحزان 

مبحسش ايوه اما بخون 
لاء , بالعكس بكون فرحان 
عقدة نقص وبفرح لما 
بشوف عاشق مكسور زعلان 


هتصدق او متصدقشي 
انا بعرف انام ومبتعبشي
انا عارف حالتك دلوقتي 
وممكن اوصفها 

قاعد واهم نفسك بيا 
وبتبكي ومصدوم اوي فيا 
معلش - اهو مني وتتعلم 
انا شخصيـه 

مـــ الغدر - الجرح - الخوف - الضعف - والايام 
شكلتها 





6 / متفقين مـ الاول 




واتارينا متفقين مـ الاول 
وشكلنا كنا خايقين 
يتقال علينا اننا عاشقين 
وتبئا فتره ولا نكمل 

كان ليا حق اني اتردد 
وليها حق تاخد وقتها 
لفتره وتشاور قلبها 
بس الصراحه تفكيرنا طول 


من زمـان بعرفها وتعرفني 
والكسوف بيبان لما تشوفني 
واما كنت بشوفها انا كنت بحس 
بفرح غـريــب 

واما جيت اليوم ده وقولتلها 
اني مرتاح ليها وانا عايزها 
تبئا مش بس مجرد واحده 
وعايزها حبيـب 

قالت انها عايزه تجربني 
هل هكون مخلص انا وهضحي 
بعد فتره طويله تعدي شهور 
لو غبت انا يوم كات تتألم 

والصراحه انا كنت بجربها 
مش مجرد بس انها ترضي 
كنت بحلم بيها تكون ويايا 
في اي ظروف وتتحمل 

والنتيجه كانت معروف من اول يوم
 يتهيائلي 
بس برضو اديني اتطمنا اننا هنكمل 


واتارينا متفقين مـ الاول 
وشكلنا كنا خايقين 
يتقال علينا اننا عاشقين 
وتبئا فتره ولا نكمل 

كان ليا حق اني اتردد 
وليها حق تاخد وقتها 
لفتره وتشاور قلبها 
بس الصراحه تفكيرنا طول 






7 / أموره 




أموره 
وعيونها عيون غزلان 
بتنادي علي الفرسان 
مين فيكو هيقدر يكسبني 
والعشق في عينه يبـان 

قمر وماشي ع الارض 
تلمح عنيها تتخض 
وخدودها لون الورد 
مقطوفه من بستـان 

تشوفها تتمناها 
وعنيك تكون عرفاها 
دي زي ما تكون ساحره الكل 
وعليها ضحكه جنــان 

دي أموره 
والضحكه تداوي قلوب 
كل اللي يشوفها يدوب 
أحلي ما في الدنيا انها فيها 
مديه الدنيا أمــــــان 

بتتباهي بحسن جمالها وكل ما فيها 
بيشهد ليها 
أياً من كان في طريقها بيتمني 
بس يعديها 
يلمس ايدها 
يبئا حبيبها 
وانشاالله  يروح بعدها فيها 


أموره
والشعر كإنه حرير
وعليها بصة تكشير 
قادره بعديها تتأمر 
وقلوبنا تقول أمـين 

قمر وماشي ع الارض 
تلمح عنيها تتخض 
وخدودها لون الورد 
مقطوفه من بستـان 







للجزء الثاني من الالبوم 


الصفحه الخاصه بالكاتب علي الفيس بوك 


اضغط هنا




مازلت عايش في الحياه بكيفي