Twitter

Blog Archive

Buscar

جارٍ التحميل...

Entradas populares

الثلاثاء، 1 نوفمبر، 2011

( طبق ) .. الكشري






أكيد الكل قراء العنوان وفهم انه طبق كشري .
بس اللي أنا أقصده هو الفعل ( طبق ) المشتق من ( التطبيق ) وبغض النظر عن قرائتك الخطئ الا انه اشطه عادي كله كشري .


طبق الكشري = طبق نظرية الكشري 


أولا :- أشهر وأطعم أكله في مصر هي الكشري 
حد سأل نفسه ليــــه ؟؟ انا أقولك ...


لأن الكشري اختراع مصري ده أولا 
وثانيا ان مشتق من خصائص الشخصيه المصريه الوسطيه التي تتسم بالتعدد 
فلو فرزنا الطبق هنلاقي : 


1 / رز 
2 / مكرونه 
3 / شعريه 
4 / عدس
5 / صلصه 
وهكذا ..... الخ 


كل حاجه من دول ممكن تكون أكله لوحدها أساسا .. لكن شوفت لما اتحطوا مع بعض عملوا اختراع ازاي ؟؟ 
وطعمهم أحلي كتيـــر من لو كان كل حاجه منهم لوحدها , وبيشــبع 
وحتي الاجانب بئو يحـبو الكشري واتعرف في العالم انه اختراع مصري .


ـــــ : طب ازاي ( نطبق ) الكشري ؟؟ 


الاجابه بسيطه = التعدديه وقبول الاخر 


سيبكو بئا من العلمانيه والليبراليه والاسلاميين والوهابيين والسلفيين والشيوعيين والمسيحيين .... الخ 
ما تييجو نعمل مع بعض ( طبق كشري ) 
ونطبق نظرية الكشري .. 
أكيد كل فئه فينا ليها طعم مميز , بس والله مع بعض هيبئا الطعم أحلي .


ـــــ : طب هنستفيد ايــــه ؟؟ 


اولا احنا كمصريين هنحب الكشري , قصدي , الخلطه بتاعتنا في السياسه ومحدش هيخون حد لاننا هنصدق بجد اننا كلنا في طبق واحد 


ثانيا ان احنا نعمل حاجه من تراثنا بئا ونبطل تقليد الغرب او الشرق 


ثالثا اللي مش في الطبق ( الاجانب ) من غير المصريين هيحبو الطبق كله علي بعضه حتي لو مش مستلذين بشئ معين فيه , هيضطروا يقبلوه علي بعضه 


رابعا هيبئا لينا هدف واحد بس وهو ( بطن مصر ) , عايزين نشبعها وندلعها كده ومنخليهاش تبص برا ..
ولو اتاكلنا نتاكل سوا ولا ايـــه ؟؟


خامسا هيبان بئا مين اللي يقدر يدخل الطبق ويعيش معانا ومين اللي مندس وسطنا علي ما يوصل للي هو عايزه ومش هيطيق ريحة الكشري بعد كده !!




هـــــــــا ؟؟ هنطبق الكشري ؟؟ ولا هنفضل بنظام المهلبيه اللي احنا فيه ده ؟؟ ونفضل كتير بنرقص جوا الطبق ولا لينا حولا ولا قوه ؟؟ 


اسمع مني .. و( طبق ) الكشري 






FaceboOk


‏ليست هناك تعليقات:

 
;