الخال في مقام الاب يا خال ..
نكتة تضحك من كتر الكدب
العم مكان الاب ان غاب ..
لو فاكر كده يبقي عليك ذنب
ان راح سندك ، فـ اسند نفسك
وان لازمك حد انا من رأي ،
يا تشوفلك صاحب ينفعلك ،
يا تجيبلك كلب .
وبعيداً عن هذا المضمون ،
اياك تسأل تاني عن الحب
الاب ، حياتك ولوحدك
والخال قرشك ..
والعم الصحه وراحة البال
والاهل ،
اصحاب مش شايلين اسمك
والوحدة مسيرها هاتنفعلك ..
ان راح سندك ، فـ اسند نفسك
كلها فترات وايام هاتمر ..
وظروف هاتعدي بحلو ومُر
ابعتلي يارب اصحاب صالحين ..
يسألوا لو غيبت ،
يزعلوا لو مُت ..
ويحسوا بحزني في عز الضحك
وان قولت يا بُعد
يقولوا يا قُرب
واكتبلي يارب الخير والصبر .
0 عايز تقول رائيك؟:
إرسال تعليق