اللي شاري أرض مصر
واللي غاوي شمس مصر
واللي لحم كتافه من طينك يا مصر
مستحيل يتقال عليه انه عميل
اللي مـ البرد ارتوي عضمه حنين
والعرق فوق الجبين
مـ العطش كان يلحسه
لقل حُبك صار عليل
ده عميل ؟
مستحيل
بصي في عيوني والمحي لونها
هتلاقي لون الشمس ,, لون عيونك هما هما
واسألي سمار جتتي ,, ايه اللي سمرها ؟
وان عجزت عن الكلام
جسمي هيرد وهيهتف
شمسك الدافيه وجمالها
اللي داق طعم الوجع لقل خطرك
مهما جسمه صابه أسهم حامي ضهرك
اللي شرب الزل من حبك نقطه نقطه
واللي حُبك جوه قلبه مش قليل
ده عميل ؟
مستحيل
اللي شالك فوق كتافه في عز وجعك
واما حد بيسأله يحلف براحتك
صبره كان علو الجبال مهما عليت
اللي وسط العتمه كان ليكي دليل
ده عميل ؟
مستحيل
غصب عنك ياللي عاوز تحني ضهري
مش عميل
مش عميل
3 عايز تقول رائيك؟:
رائع جدا و دوما من ابداع لاخر باذن الله
على الهامش المدونه رائعه جدا وانا تبعتها من فتره ارجو لك دوام الاستمرار
مرسي جدا سعدت بمرورك ومتابعتك ورمضان كريم
جميله
إرسال تعليق