حكاية وقت
إلي الموجوع
ومش لاقي اللي يسمع له
إلي التايه
ومش لاقي اللي ينفع له
إلي التعبان لكن حابب
يكمل دنيته لوحده
حبيس أوضته
حزين قلبه
روتين رابطه في روتين عمره
فريد حزنه
قتيل نفسه
إلي المدبوح بسكينته
إلي الروح اللي كفرت بالأيمان جواه
وحالفه تخسَره حربه
إلي السهران ودمعُه كل ليلة يسيل
دموع لونها بلون دمه
مسيرها تروق ..
وتتعدل
حكاية وقت إستحمل
مسيرها تروق ..
وتصحالك حجات جواك
في شئ في الجاي , جاي لأجلك
مسير الدنيا تضحكلك
إلي السهران ودمعُه كل ليلة يسيل
مسير الروح تقابل روح بتشبها
وتبقي أحلي أحلي بديل ..
" وتكتبها "
انا وانتي
ونهر النيل
وفنجان قهوة وأحكيلك
بَحبَك كلمة ماتشبعش
لكن احساسها فيا جميل
مايكفيش النهار حُبي
ف هنكمل سوا بالليل .
0 عايز تقول رائيك؟:
إرسال تعليق