صفي نيتك

وسط دوشت الفراغ كلمت نفسي , وعليت صوتي شويه عشان أسمعني كويس .

-         انا لازم أتغير

نفسي : في ايه .. ؟

-         معرفش بس هتغير

نفسي : متوجعش دماغي , روح اتغير

غيرت هدومي قبل ما اخرج , عشان يكون ده اول تطبيق عملي " للتغيير "

وخدت موبايلي اللي مفيهوش " خط " اصلا , لأحسن حد يكلمني و لا حاجه .

قابلت صديق ممل .. !

صديقي : ايه يا حج اللي انت عامله ده , موقف شعرك ليه يا ابني .. ؟

-         تغيير

صديقي : طب ده انت جيتلي في وقتك والله .

-         خير .. !

صديقي : سؤال مُحير في الجرنال وعايز اكمل الفراغات

-         ما انت عارف , مبكرهش في حياتي قد الجرايد

صديقي : وانت مالك بيها , ده سؤال ليا عشان اخلص , ثقافه ثقافه .

-         طب قول

صديقي : ايه الحاجه اللي الانسان اول ما يقعد عليها تـقف .. ؟

-         تقف .. !

صديقي : لاء , يقف , مكتوبه كده

-         في الجرنال .. ؟

صديقي : ايوه ياعم بص بنفسك .. !

-         يا لهوي , دي مش ثقافه .. دي ثقافه .

صديقي : رايح فين كده , قولي الاجابه

-         ودي محتاجه فقاقه يا اهبل .

التغيير ماله بدء بقذاره كده ليه .. ؟

وبعدين ماشي انا قزر , بس خلاص قررت اتغير .

العصر أذن , دخلت المسجد صليت وقولت لازم أتغير وأحافظ علي صلاتي بئا .

وخرجت من المسجد صافي النيه , بس سؤال ابن الممل ده كان قاعد رايح جاي في دماغي , لحد ما لقيت اجابه J

روحت لقيته قاعد في الشارع مكانه .

-         خد ياض لقيتلك اجابه

صديقي : متقوليش الــ .... , اه , عشان انا كل ما اسأل حد يقولي كده وبعدين يشتمني .

-         لا منا صفيت نيتي مش واطي زيكم .. !

صديقي : هي النيه بتفرق في الثقافه .. ؟

-         طبعاً , دي الثقافه ما هي الا " نيه " / عموماً الاجابه هي " الجمل "

صديقي : الجمل .. ؟ يخرب عقلك , فعلا خمس حروف J

سؤال تاني بئا .. ؟

-         ها

صديقي : انت موقف شعرك كده ليه .. ؟

-         مشكلتك انك مصفي نيتك من نحية شـعري .