أنا رجعتلك | عبدالرحمن سامي







أنا رجعتلك
رغم كل الكلام اللي قولته عليا
رغم حبك في قلبي اللي قل شويه
رغم اني بحس اني مش فارقه عندك
رغم اني انجرحت وكان ده بسببك

بس عارف برغم الكلام والجراح
كنت حاسه في بعدك بـ حبة براح
خلوني أقعد و أفكر أحل القضيه
فأكتشفت ان بعدك حياتي عاديه
ناقصه حبة جنون
ناقصة حبة سكون , لما تهمس في ودني بكلمة بحبك !
لما بتبص ليا !
وتسرق عنيا , لما بتغير عليا
لما بتقولي عارفه الحياه قبل منك !
كنت رافض أحب , عشان لما أقابلك
تكوني انتي أول واحده أعاتبك !
تكوني انتي أول واحده أسامحك !
تكوني انتي أول ورده في حديقتي
والوحيده , لا قابلك ولا يبئا بعدك !

جيتارك سلاحي قصاد وحدتي
تضحكني لما تشوف دمعتي
تغنيلي كام كلمه هاديه بحب
تنسيني نفسي !

تعالي نغني الليلادي سوا
نألف قصيده تكون لينا بس
تعالي نغني لنجوم السما
تعالي نحس !

بصوتك وصوتي يدوب الخصام
نصحي المشاعر بـ حبة كلام
وننسي اللي فات وكل اللي كان
برغم اللي كان !
برغم الخصام !
لاني بـحبك
لانك ندمت !
انا رجعتلك .. !





0 عايز تقول رائيك؟:

مازلت عايش في الحياه بكيفي