حسيت بأيه



حسيت بأيه
لما انت جيت وقولتهالي حسيت بأيه
دا يا عمري كل شئ في بالي قولت عليه
هو انت ما شفتش عنيا
بتسألني ليه
..

حسيت كأن الدنيا فرحانه لفرحي
واني سمحت الدنيا ونسيت كل جرحي
واني انا محظوظ حبيبي بيك لوحدي
..
حسيت كأن عنيا م الفرحه هتبكي
اصل انت مش عارف غلاوتك جوه قلبي
الكلمه ديا اياك تقولها لحد بعدي

***********

هو انت مش فاكر صبرت انا قد ايه
مستني اسمع اللي قولت انت عليه
لما انت حاببني حبيبي مستني ليه
..
كلمة بحبك لما صوتك قالها ليا
حسيت كأني ملكت كل الدنيا ديا
واني هكونلك وانت برضو هتبئا ليا
..


حسيت حبيبي كأنك انت حاجه فيا
نعمه وربي كان حفظها شايلها ليا
ومن النهارده بقيت في ايدي يا نور عنيا
...
حسيت يا روحي اني انا مخلوق عشانك
مكتوبلي يوم اعرف هواك واعشق حنانك
وعشان كده هفضل انا عاشق جمالك



******

حسيت كأن الدنيا فرحانه لفرحي
واني سمحت الدنيا ونسيت كل جرحي
واني انا محظوظ حبيبي بيك لوحدي
..
حسيت كأن عنيا م الفرحه هتبكي
اصل انت مش عارف غلاوتك جوه قلبي
الكلمه ديا اياك تقولها لحد بعدي
*********************

0 عايز تقول رائيك؟:

مازلت عايش في الحياه بكيفي