اللي فات ظلم واللي جاي ظلمات







اللي فات ظلم اللي جاي ظُلمات
بقي عندنا حرية قلع افرحوا يا بنات
مش بس انتو اللي اتعريتو في الشارع ايام العسكر 
حماده اتعري ,, بان حماده ,, سلتو منه البوكسر


كان باسم يوسف صح لما قال كلوتات
وابو الثوار كان صح لما قال
اللي فات ظلم اللي جاي ظُلمات


الخِسه عششت في بيتنا والأمل رفض يبات 
أي كلام عن تطهير الدخليه دلوقتي افتكسات
الناس بتموت في الشارع وانت ركز علي الشات 
الثوره اتسرقت مـ العقول وبقت تويتات


كل الرموز خانوا الشباب  جريو ورا الملذات
كل اللي مات اتفات صراعنا بقي ع النايل سات 
مين اللي معاه الحق  يتكلم بإسم الدين 
كل الشيوخ دلوقتي بقو مُسيسيين 
اللي يعارضهم يبقي دوغري مغيبين

كل مسؤل ملوهشي هم .. غير ع المنشأت 
يرحم أيام ما كنا بنتصور ع الدبابات 
كات الحجات دي كلها ايام مبارك ظلم 
دلوقتي عادي متركزش رئيس زي الفل

أمير المؤمنين قالها حكمه في زمانه
متخدش ع الرئيس صلاته ليك منه كلامه
دلوقتي كل ما تكلم واحد يرفعلك صوره 
مرسي واقف يصلي يا صلاة الزين علي الاسطوره
:)


 طب قولي وعد واحد قاله مرسي وكان قده 
يقولك موت بغيظك ده عاجبني وبنحبه 
ياعم في الاعاده وربنا انا انتخبته 
وكات لايكاتكو مغرقاني في كل بوست أحطه
دلوقتي انا ليبرالي علماني .. وأغبي خلقه 
متشكرين .. كل واحد وأصله 

إرسال تعليق
مازلت عايش في الحياه بكيفي