غريبه جدا








ايه اللي جرالك
انا ليه دلوقت بئيت علي بالك
بتحاولي تسألي عني اصحابك
طب عايزه ايه

وما صدقتش
لما قالولي اني واحشتك
فاكرني واحد مش عارفك
هيرضي بيكي طب قوليلي ارضي ليه


بعد ما ضيعت اللي ما بينا
بتمثل وحشاها أيامنا
لا دي واحده بجد غريبه جدا

وياريت تنسي ان انا حبيتها
حبها ضاع مني وبإيدها
خلتني انساها خالص جدا



لما عرفت انها بتحاول تعرف حاجه عني
قولتلهم طيب وانا مالي ايه المطلوب مني
جت واحده قالتلي صدقني دي لسه بتحبك
لقتني ببص الناحيه التانيه وعايز امشي

حبيت اتكلم ملقتش حاجه أقولها
قولتلها قوليلها ان انا مش عايز أكلمها
وبجد كمان كان نفسي اضحك لما قالتها
بس انا دمعت وقولتلها انا مقدرشي


ارجع لواحده باعتني زي ما باعني غيرها
انا عمري ما ارجع ليها تاني وافتكرها
ودا هو ردي عليها ... روحي قوليلها


بعد ما ضيعت اللي ما بينا
بتمثل وحشاها أيامنا
لا دي واحده بجد غريبه جدا

وياريت تنسي ان انا حبيتها
حبها ضاع مني وبإيدها
خلتني انساها خالص جدا


بقلم
عبدالرحمن سامي

إرسال تعليق
مازلت عايش في الحياه بكيفي