في أوضتي كتبت كلام كتير علي الحيطان
كام صوره ملزقه بخلد بيهم الايام
كام وش راسمه مش باين منه ملامح
كام جمله بتقولي انسي الغلط وسامح
كام نكته لما أشوفهم بقعد أضحك
ملحوظه ع اليمين مكتوب فيها " يما نصحتك "
ملحوظه ع الشمال مكتوب فيها " انت عدوك "
وذكريات زمان .. كام أيه مـ القرأن
وركن بقعد أبكي فيه لما يغيب الأمان
دخـان ...!
سـجايري في كل شبر فيها
ومهما أخرج أروح ألف مش برتاح الا فيها
أشهد عليها يـوم نجاحي بتبئا قصر
تشهد عليا يوم سقوطي بتتحول لقبر
أشهد عليها لما أحب ... و أخرج أقابلها
تشهد عليا لما أرجع برقص ويا حيطانها
وجمله تانيه مكتوب فيها " ما عليكَ "
يوم ما تتسد اتجن وقوم ارقص " شغل مزيكا "
**
عبدالرحمن سامي
2 عايز تقول رائيك؟:
اكتر حاجه بنفتقدها لما بنبعد .. المساحه الخاصه بينا في بيتنا .. حتى لو كانت صغيرة الا ان ذكرياتنا فيها لن تتغير او تنسي
خاطرة جميله جدا :)
منور
إرسال تعليق