بورتو طره _PORTO TORA






اصحاب بورتو مارينا
بئو دلوقتي في بورتو طره
داخلين قدام عنينا
وشكلهم بئا مسخره

معقول ده بيحصل لينا
مش فاهم ايه اللي جرا
والشعب بيصرخ عالي
وبيطلب عدالة السما





انا كنت وزير
دلوقتي بقيت مسجون
وبطالب بالحريه
ولو خدتها هبئا ممنون

ايه يعني سرقت الشعب
وقلبتلي ييجي كام مليون
انا برضو بأمن مستقبلي
والمستقبل ملعون


ادوني فرصه تاني وانا هرجع راجل شريف
وهرجع كل فلوسكو وهخفض تمن الرغيف
وهتطور التعليم
وهنور التعتيم
دلوقت معاد الكلمه بتاع
صفوت شريف


طلباتكم فوق دماغنا
طول عمرنا بنحقق فيها
معلش علي التأخير
بس احنا برضو لسه فيها
أسقطو نظامنا وسجنتونا
وبرضو هنعديها
وهنبدء صفحه جديده
وانتو بإيدكو هتكتبو فيها

اختارو اللي انتو عايزينه علشان يبئا دستور
الماده التانيه التالته الرابعه زودو أي سطور
انا قاعد مرعوب في الضلمه علشان مش موجود نور
وانا حاسس اني هموت
وبجد فقدت الصوت
وبجد وحشني نضارة وموافقة فتحي سرور




اصحاب بورتو مارينا
بئو دلوقتي في بورتو طره
داخلين قدام عنينا
وشكلهم بئا مسخره





انا رافض اي حاجه
ومعنتش هوافق تاني
ده انا حتي رافض أكل
ومعنتش بغسل سناني
ده في يوم وليله دخلت طره
وبقيت انا الجاني

انا كنت بحافظ علي أموالكم
وبجيب ليكو فلوس
بس انتو شعب نحس بجد
والمنحوس منحوس

اسألو أي نائب كان عندي
وكان برضو موافق
مفيش مواطن بئا نائب
غير بعد انا ما اوافق

يا اما يدفع علشان يدخل يا اما ينساني
مكنش حاجه في الزمن ده بتييجي بالمجاني




بمناسبة الفلوس
والملايين والمليار
تعالو بسرعه هنا انا عايز
أعمل حوار

انا شغال في الحديد
وبساعد في التشطيب
وبقولك ابني بيتك
وانتظر مني المزيد


انا هفضل طول عمري مدلعكم
طول ما في انتخابات
اصلي بموت في التزوير والألش
وبفرح بالحوارات

وبسبسب شعري كل ما بطلع اتكلم في قناه
والصحفي اللي يشكك فيا يبئا لازم تنساه
اصلي أمين التنظيم
وبحاول أبئا كريم
انا واجهه لمصر واللي بيشتمني
بيشتم ملايين




اصحاب بورتو مارينا
بئو دلوقتي في بورتو طره
داخلين قدام عنينا
وشكلهم بئا مسخره



ورقات سيدهات ماسكات مانجات
كله موجود في المكتب
لما تحاول تحاربني
لازم طبعا مني تتعب

أصغر قاضي في الدنيا
وحاول تعمل ليا مداوله
بلاويك وفسادك راح يظهرو
قدام الناس في ثانيه

وقعدت سنين وسنين بوهم في الناس اني بناضل
علشان اخدم التيت والحدق فيكو طبعا فاهم

مسجون دلوقتي واهلي بيقولو ان دي مؤامره
وسر سجني معروف لكل واحد في الدوله
انا راجع ليكو تاني بس هرجع محترم
عشان انا موقعتش غير لما وقعت أمن الدوله



أفجر رئيس وزاره
بان ع الارض في التاريخ
انا اللي تحت ايدي
خليت الكوسه بطيخ

وبعت نص مصر انا ليا أجمل تحيه
بجد بكرهكم يا شعب عشان ملكومش ديه
وكنت أريح الدماغ وأقول طظ في بهيه
وسبت كايرو وروحت قاعد في القريه الذكيه
اوف علي دي ثوره شمتو العوازل فيا
خليتو الفقر يشتموني ويفوقو عليا

ده يما زلتهم وكنت مستمتع بهذا
ولما كانو بيعملو مظاهره ويقولو لماذا ؟
كنت بسيبهم يقولو ويعملو وباخد أجازه



اصحاب بورتو مارينا
بئو دلوقتي في بورتو طره
داخلين قدام عنينا
وشكلهم بئا مسخره




انا اسمي حبيب العادلي
والغدر بيجري في دمي
والسلطه والمناصب هي ابويا وهي امي

عندي رصاص كتير
عندي عبيد كتير
أقوله اضرب بيضرب المهم يحمي الكرسي

انا معني الأمان
انا حامي السلام
ومدام عايزين تتظاهرو هتشوفو أسود أيام

ايه يعني شباب يموتو
وشباب يعلي صوتو
بالعربيات هدوسو
وهولع في الميدان


حاولت اديكو درس وتفتكروني بيه
انا الامن في وزارتي ماسكه بإيد من حديد
فاكرني هبئا سهل انتم فاكرني ايه
لو عايزين تعرفوني افتكرو خالد سعيد



اصحاب بورتو مارينا
بئو دلوقتي في بورتو طره
داخلين قدام عنينا
وشكلهم بئا مسخره



شاركنا علي الفيس بوك 


إرسال تعليق
مازلت عايش في الحياه بكيفي