الـجنون - راب







الجنون
هو الحياه
من بدايـة كل شئ ولمنتهاه


لسه الطريق محتاج بصيره عشان نكمل فيه
لسه الغيوم محاوطه كل شئ والشوك ماليه
ماشي بإحساسي ومش شايف قدامي شبر
ومش هاممني, المهم اني حر
ريحة الهوا حقيقي عندي بقلها ريحه غير
حتي المطر بئا ينزل هدفه يغسل الضمير
الشمس هاجمه ع الليل عشان تزيح سواده
والنور يدلك ع الطريق ويحذر من عقابه
بكره شايفه بعنيا , هناك وسط الغيوم
اللي عليا هعمله و  زياده ع  اللزوم
حتي النهايه لو مش واضحه
وطريقك ماشي
يكفيك يا سيدي لك طريق  , فـ حاول وافضل ماشي

لسه الامل ما متش
وضميرك لساه حي
انا واقف فوق نهايتك , شايف بعيني سعادتك
يمكن لسه الضباب عاميك  بس اتمسك بـحلمك
ولما يوم هتوصل , هتفتكر كلامي
ان الزمان ده راحل واللي زيك اللي جي

الجنون
هو الحياه
من بدايـة كل شئ ولمنتهاه

قمة نجاحك لما تبئا عايش في العقول
صوتك بيضحك في الاغاني بمرحلة زهول
شكل ابتسامتك مرسومه في عيون كل اللي شافك
ردك صريح علي الجميع , مجنون .. !   مجنون .

كتير بيوصفوك ان انت واحد عايش فاضي
ميفهموش ان اللي جاي مش فارق عن اللي ماضي
بيحسدوك ومش عارفين يقلدوك , لا انت عاجبهم ولا حتي هما بيعجبوك
كمل حياتك بترجاك ومتغيرش نفسك
انا واحد منهم بنتقدك ونفسي ابئا زيك
بزيف الحقيقه  وعندي 1000 وش
ولما بحلف اني صادق ببئا حالف غش
واظهر وابان بإني شخصيه عاديـه ,
بلمع من بره وبنافق وساجن نفسي فيا

الجنون
هو الحياه
من بدايـة كل شئ ولمنتهاه







إرسال تعليق
مازلت عايش في الحياه بكيفي