فضفضه من غير سجاير





وسط العتمه , قاعد بـكتب .. ! 
مـع كوباية شاي وقلم وأجنده ,, في غياب مؤثر للسيجاره قولت لـنفسي انت مُمل .
ايه الاكتئاب اللي مالي الاوضه ده .. ! 
سكوت , وضلام , وقرف .. الخ , روتين قاتل .. ! 
ولا مني بـكتب , ولا مني بـعمل شئ مفيد , غير كوباية شاي بـشربها , وسيجاره غايبه مستحضر دخانها .
القاعده في نص الليل مـع نـفسك كفيله تقنعك انك شخص مُمل , مهو انت قاعد بتتكلم مع نفسك وزهقان .. ! 
طب يبئا العيب في مين .. ! 
يا انت , يا نـفسك .. ؟ 
ليله وهتفوت كالعاده .. وهنام كالعاده .. واليوم راح من قبل ما يبدء برضو كالعاده .. ! 
وبـعدين ايـه الملل اللي ع الفيس بوك ده .. ؟ 
كل يوم ألاقي ان اليوم ده عيد ميلاد ناس عندي .. ! 
كل يوم عندي عيد ميلاد ع الاقل , هو انا ضايف مـصر كلها .. ؟ 
وبعدين انا مـبضفش غير قليل جداً جداً , والباقي هما اللي ضايفني .. ! 
طب هو انا لو كل يوم الصبح غيرت عيد ميلادي , يكون تاريخ اليوم ده , وكل يوم الناس تقولي كل سنه وانت طيب .
ياااااااااااه فكره حلوه بجد , هحاول اعملها , بس تفتكرو هتفقس .. ! ده أكيد .


وبـعدين كل بنت حطالي صورتها علي بروفايل سواء اشتغاله او حقيقه , تلاقي عندها ألاف الاصدقاء , وكل ما تكتب حاجه , مش اقل من 100 لايك وكومنت .. واحنا بننش .. ! 
انا مش فاهم مين ابن التيت اللي بيقول علينا مجتمع ذكوري .
انا لـحد دلوقت لسه في اجازة نص السنه , ولو محسبناش شهر الامتحانات بتاع يناير اللي برضو كان اجازه رغم الامتحانات , يبئا انا في اجازه من السنه اللي فاتت .. انا شكلي بضيع .. ! 
انا عايز اتجوز طيب ,,, 
انا مش قلقان من متطلبات الجواز , مع اني معييش حاجه خالص .. انا اللي شاغل بالي حاجه واحده 
اني لو اضطريت اتجوز جواز تقليدي , واتقدمت لواحده ورفضتني , ده انا اقتلها فيها .. ! 
ارزقني يارب جواز عن حب واقتناع وتفاهم , بدل ما ارتكب جنايه .
البنات برضو ليها مكانه خاصه في حياتنا مينفعش حاجه تكملها غيرهم , احنا علي رائ الطرطور المشير احنا صابرين صابرين صابرين .. ! 
بس تعرفوا , الحاجه الوحيده اللي بتعاطف فيها مع السياسيين انه كله سياسه سياسه مفيش حب وحنان ودلع نسوان , ده طبعا بإستثناء حمزاوي ومباركـ ... !


في وقت كده الكلام في السياسه فيه , بيبئا عامل زي ما تكون جايب بطاطس وعايز تضربها في الخلاط .. ! 
بس تخيل ان في لسه ناس بتقول : هاي ممكن نتعرف .. ! 
ده وقته انتو كمان , هي ناقصه ما كفايه اللي عندنا .. الله 
احنا بنتفشخر اوي بـمصر وتاريخها , وهي يا عيني نفسها تتفشخر بينا اصلا .. ! 
أوسخ احساس في الكون , انك تحس , انك مـسجون جوه نـفسك .


" كـفايــه رغي " 












إرسال تعليق
مازلت عايش في الحياه بكيفي