بروفايلين في الكوشه













غريب شويتين العنوان بس معلش نستحمله اهو مقال وهيعدي
تؤتؤتؤ لاء استنو ده مش مقال اومال اكتبو ازاي ممممممممممم
دي طريقه للارتباط جديده


كلنا طبعا بما اننا عايشين علي الانترنت ليل مع نهار ونهار مع الليل طبعا دماغنا اتقلبت بالموضوع الاكثر مشاهده في اي مدونه او اي منتدي او اي موقع او حتي ع الفيس بوك واللي هو وببساطه
( ايه رائيك في حب النت ----- حب النت ) وهكذا الخ الخ

وان فعلا ناس بتحب ناس من غير ما تشوفهم دي حقيقه واقولكم علي سر بس مش عايز حد يعرف لحسن ده سر مهم ... ( انا مره حبيت واحده من ع النت من غير ما اشوفها )

بس ده كان تقريبا اول ما فتحت واتعلمت يعني ايه نت اصلا عشان كده كنت ساذج ( الله اعلم مازلت ام لاء )


بغض النظر بئا عن اي كلام عن حب الانترنت ده هنتكلم عن الحب الجديد
الحب الاسطوري ومعجزة القرن الـ 22 اي نعم مش هنلحق نطبقه احنا بس يلا اهو يبئا واحد ع الاقل من الاجيال اللي جايه يبئا يلاقي الموضوع ده ويقول في شيخ مات من زماااااااااان كان بيفكر في المستقبل


تبدء الحكايه كالعاده علي الفيس بوك او بمعني اصح غالبا ان الاخ/ت يشوفو صورة بروفايل حلو واد حليوه ولا بت مزه ولا حتي صوره لنجم مشهور بس حد فيهم بيحب التاني فأول شعور يتولد أن ذاك

ـــ أخيرا لقيت حد بيحب كذا

طب والعمل ممممممممم انا ابعتله اضافه
يقول الاخ / ت باعتين الاضافه فهنا هنوقف عند حالتين

1 / لو كان اللي باعت الاضافه بنت ....... فبتتقبل طبعا من غير اي كلام مش عايزين نسيح
2 / اما لو ولد .......... فبيتقبل برضو بدون كلام ومش عايزين نسيح الا في حاله واحده بس او خلونا صريحين ( لو كانت البت مرتبطه بأي نوع من الانواع بئا بشكل محترم او غير محترم بس صادق - او ملتزمه شويتين كده وده قليل مش عارف ليه )

بعد ما إشعار قبول الصداقه يوصل للطرف التاني بيكون هنا حالتين برضو

1 / لو كان فاتح ( اون لاين يعني ) يجري علي صندوق الدردشه يدور علي اسمها او اسمه عشان يتكلمو وهنا برضو في حالتين :

ـــ لو كان الطرف اللي قبل الصداقه اون لاين فهو اللي بيبدء بالكلام خاصة لو هو ولد
ــ لو كان قبل الاضافه وقفل فهنخش للاحتمال التاني لقبول طلب الصداقه الغريب

2 / لو كان ( اوف لاين ) يجري علي صفحته يقعد يقلب فيها ويشوف الصور الموجوده حتي لو 5.000 صوره علي أمل انه يلاقي وره واحده ليها او ليه وينتظر فترة قيمة تلت ساعات كده لو مفتح(ت)ش يروح جاري ع الإن بوكس وباعت رساله طبعا

ولكن الاكيد من ده كله ان لازم بعد طلب الصداقه وقبوله يروح علي الوول بتاع الجديد ويكتب

thnx 4 add

وهنا برضو احتماليين :
1 / لو اللي قبل الاضافه بنت ( فهتكتفي بعمل
like ) للمنشور فقط لا غير 
2 /
لو اللي قبل الاضافه ولد ( فمبيكتفيش خالص ) 

الاهم من ده كله ان لما الاتنين خلاص يسلمو انهم حبو بعض 

وده بيحصل في حالتين : 
1/
لو العلاقه حب بجد ( هبل برضو ) بياخد وقت طويل شويه من سنه لـ ( وانت طالع بئا يا ريس ) 
2 /
لو الحكايه تفريحي للاتنين فبيحصل في وقت قصير من اول ما طلب الاضافه يتقبل لـ ( ساعه بالكتير ع الميل ) 

يبدءو بئا في الحالتين اللي فاتو يتعرفو علي بعض شخصيا بالامور المعروفه للجميع طبعا حبة هزار وضحك ثم حبة رومانسيه ثم اغنيتين حب فـ حب ثم طبعا صور ثم فيديو ثم موبايل ( وممكن الموبايل ييجي قبل كل ده ) وهكذا 

وطبعا واعتقد ان 99% من كل الحكايات بيكون ليها نهايه واحده ولكن صراحه بيكون للاتنين حق انهم يقررو النهايه دي 

بغض النظر عن اللك والعجن الكتير ده انا فكرت في أمور بسيطه جدا تغنينا عن الكلام الفارغ ده كله وبتتلخص في بعض النقاط واهمها :

**^^^**
^^
^

1 / كل الناس اللي ع الفيس بوك يكونو علي علم بيها عشان تتحقق بحذافيرها او مثلا نعمل استمارات يوقع عليها اللي موافق ع الفكره ويحط علي بروفايله علامه مميزه تدل انه مشترك في هذه الخدمه ( متوفر حاليا للحب او اللتهيس او اي حاجه يختارها هو )

2 / ان يكون العلاقه شرطا بين ولد وبنت ( بغض النظر عن فروق السن ) او فروق التوقيت بحسب مكان اي منهم

3 / العلاقات يكون ليها حد أدني للسن وهو 18 سن ( عشان مش عايزين عيال ) كفايه الخوازيق اللي الشباب بيخدوها من عيال صغيره وطبعا بالنسبه للبنات ( حد أدني أيضا ولكن للاجور ) عشان نبدء علي صفحه بيضه طبعا

4 / ان يتواجد علي الفيس بوك او اي موقع اجتماعي يرحب بالفكره ما لا يقل عن 14 ساعه في اليوم 00000 ( معرفش السبب الصراحه بس اهوه غتاته ) عشان نصعب شروط التقديم عشان نستفرد ببعض

5 / يكون الشخص المشترك يملك كاميرا تبث صورته علي الايميل طول الفتره اللي هو موجود فيها .... وده لا يمنع برضو من وجود حوالي 8 صور بأحجام مختلفه عشان في ناس مبتحبش الفيديوهات وتفضل تحب صور ( معرفش ليه )

6 / يشترط علي المشتركين عدم الانصياع والصياعه لبعض حيث ان المقابلات الخارجيه في الواقع ( ع الكورنيس بئا وجو الجامعات ده ) محرمه تماما عندنا احنا هنشتغل ع النت بس

7 / الشباب ميكونش ليهم أخ أكبر منهم عشان هيرخم وهيقعد ع الكمبيوتر وده شرط أساسي ـــ والبنات شرط يكون ليها اخت بنت بنفس أسلوبها في الحياه وتكون مشجعه للفكره ( وتكون احلي منها ) التغيير مطلوب برضو

8 / عند اتمام العلاقه بين بروفايلين يتم وضع صوره واحده فقط للاتنين وحذف الصور الشخصيه كليا ( خلاص البروفايلات ارتبطت ومش عايزين شغل المراهقين دول )

9 / كما حرمنا المقابلات الشخصيه نحرم ايضا المحادثات الهاتفيه ( اخرك يا حلو سماعه وظبط نفسك )

10 / لا يجوز ان يسأل احد الاشخاص الشخص المرتبط به بروفايليا عن حياته الخاصه

11/ يجوز لكل فرد عدي سن الـ 35 سنه ولم يتزوج بعد سواء كان دكر او انثي انه يكون علاقات متعدده لا تقل عن ـــ2ـــ ولا تزيد عن الـــ4 ( شرع بئا )

دي كل الشروط :
علي من يجد في نفسه هذه الشروط وعلي اتم استعداد للمشاركه في الحمله عمل الأتي :
1 / يجري يشوفله اي بيدج كبير يقعد فيه اسبوع متواصل يراقب البنات او الشباب المتواجدين فيه وبعد اسبوع يحدد من هيدخل معاه العلاقه البروفايليه دي بس طبعا زي ما قولنا يكون مشترك في الخدمه بتاعتنا ( مش عايزين نسوق بضاعتنا في اسواق اجنبيه )

2 / بعد ما يحدد الشخص المناسب اللي يتنطبق عليه الشروط يبعتله رساله واحده بس وهي ..
( انا جاي من تبع عبدالرحمن سامي وانا معجب بالبروفايل )
بس .

3 / لو تمت العلاقه علي خير يتم تنفيذ كل الشروط اللي قولناها وإلا صارت العلاقه محرمه فيسيا واكيد انتو مش عايزين تعملو الغلط




معلش هبل امتحانات وبنطلعه عليكم

كاتب الموضوع ( بمخمخه ) / بيبو طبعا







0 عايز تقول رائيك؟:

مازلت عايش في الحياه بكيفي