الجميله والسرفيس

بـصو هو الموضوع ملوش لزمـه عموما يعني فمتتعبوش نـفسكم وتقرووه :D

مـن سـنه تـقريباً , كنت خارج من الجامعه مـع محمد صـديقي ووقفنا ننتظر mcv

واحنا واقـفين لامـحت بنت وسط مجموعـة بنات , بـصالي ومبحلقه ..

قولـت عادي , يـمكن بـتشبه عليا ولا حاجه , وبـعدين كل ما ابصلها تدور وشها الناحيه التانيه

قـولت لـمحمد ان البنت دي مركزه معانا اووي , فكل ما يبص برضو ميلقهاش بتبص فإفتكرني بأشتغله ..

راهنته , قولتله رهان ياعم هتلاقـيها جايه تقف جنبنا دلـوقت .. قالي رهان يا سيدي

بـعد دقيقه جت هي وبنت معاها بس وسابوو الباقي ووقفو جنبنا .

كنا انا ومـحمد واقفين وساندين علي عربيـه كده من ورااا , وهما جم وقفوا جنب العربيـه من قدام ..

قـولتله بــس يا معلم , انا ضربت في دماغي اكلمهم , انت معايـا طبعا صح .. !!

ما زال برضو مش مصدقني , فقال اوكـ معاك بس هنكلمهم ازاي ..

قولتله الطريـقه فلما لقاني جد الجد , رفـض

المهم جـه الـ mcv  ودخلنا انا ومحمد قعدنا , وقولتله لـو البنتين دول طلعوو معانا يبئا هي دي الفرصـه قالي مااااشي

الـ mcv  اتملي والعدد كمل , ولحظه لقيناهم طالعين بـرضو وفضلوا واقفين في الزحمـه ..

طول الطريق قاعد أقنع في مـحمد اننا نكلمهم , وان انا هكلم البنت اللي عجباني دي وانت كلم البنت التانيه وقاعد بئا اتغزل في البنت التانيه عشان سيادته يوافق .

اقولـه بص , دي عنيها خضرا , الله دي عسل اوي , هتليقو علي بعض اوي والله ومش عارف ايــه ...

الـمهم جتني فـكره في اللحظه دي , خـوفاً من انهم يـكونو هينزلو في مكان قبل ما ننزل احنا ..

قولت بس , انا أكتب علي التذكره " رقمي " وكلمتين كده وارميهالها لو نزلت ...

وفـعلاً كتبت وكل حاجه , وابتدا مـحمد يـشجعني بئا ويـقول اشطه بس ازاي .

الـمهم وصلنا ونزلنا كلنا في اخر الطريق , قولتله بص انا هحط التذكره في الشنطه المفتوحه بتاعتها دي ..

نزل معايا وقعد يـشجعني يـشجعني , وأول ما قربنا وخلاص هـحط التذكره اللي عليها رقمي في شنطتها , ببص جنبي ملقتش مـحمد , ببص عليه لقيته راح بـعيد في ثانيـه ..

وببص حواليا لقيت ناس كتير , فـخوفت الصراحه يـفتكروني بـسرقها واتشمط علقه مـُكن .

المهم قررت ان لاء , انا اكلمها أفضل وأضمن وأشيك ..

كـُنا علي بـُعد خطوتين من شريط القطر , والقطر بـيعدي والطريق واقف , فـ بالتالي كلنا واقفين

والبنت صـحبتها بـصالي , وعنيها بـتقولي انجز اتكلم ..

الـقطر  فات والطريق اتفتح وانا واقف في مـكاني , قولت خلاص مـش مهم , بس يا خساره البنت حلوه اوي ..

دخلو الاتنين علي الكوبري , وانا لسه واقف  بكلم نفسي , وببص لقيت بنت معديـه من جنبي قولت بـس انا جتلي فــكره ...

حطيط التذكره في قلم كان معايا ..

قولتلها لو سـمحتي , قالتلي نـعم , قولتلها ممكن تدي القلم ده للبنتين اللي ماشيين هناك دول اصله وقـع مـنهم .. !!

فـبصت ع القلم ولاحظت التذكره , فإبتسمت وقالتلي : وقـع منهم بالتذكره J

قولتلها , مــعلش بس اديهالها هو انتي خـسرانـه حاجه .. !!

فـوافقت البنت وكانت بنت زي القمر , وعليها ضـحكها ما تعدمهاش J

وعلي ما راحت ورا البنتين , كانـوا ركبـوووو مـيكروباص ومـشيووو

فرجعتلي بالقلم والتذكره وبتديهوملي , قولتيلها وعلي ايــه بـئا خليهالك J

فـاديتني القلم وضـحكت وقالت : انت مـجنون علي فـكره ومشيت .

فـي الوقـت ده كنت فاكرها جـرائــه وفاكر انـي أُعجبت ببنت فـحبيت اكلمها بـكل احترام ومن غير ما اضايقها وقعدت ابحث عن طرق ولكن في النهايـه فشلت , فإيه المشكله .. ؟

لـكن لما جيت كتبت الموقف ده دلوقـت وقريـته .. حسيت اني وقـح ..

بـس يـلا , ده كويس ان انا لسه فاكر الموقف اصلا J

faceboOk