لولا انه كان حبيبي



لولا انه كان حبيبي في يوم

مكنتش هرضي أسلم

ولا كنت هرضي أبص عليه

ولا معاه هتكلم





وزي ما في حجات وحشه عمالها

في حجات حلوه فاكرهاله

ومهما كات ضرتني عمايله

انا مش ندل عشان انساله



ان ده اول حب في عمري

واول حد فرحت معاه

ممنعهوش حبي انه يخوني

علشان كده بتمني انساه



لكن اغلط فيه مينفعشي

بعني ,, ماشي مدا مايمنعشي

لما ييجي يمدلي ايده

لازم أسلم طبعا اه







لولا ان قلبي مكنشي يفكر

كل ليله الا فيه

مكنتش انا دلوقت افكر

لو قابلته هعمل ايه








واديني قابلته من تاني

حاسس انه وهم واقف قدامي

ونفسي اخده في احضاني

واقوله انت كسبت ايه

 





لولا انه كان حبيبي في يوم

مكنتش هرضي أسلم

ولا كنت هرضي أبص عليه

ولا معاه هتكلم

 

1 عايز تقول رائيك؟:

Unknown يقول...

دي من البوم لحظات وداع
ان شاء الله هينزل بعد العيد بصيغة pdf
منعا للسرقه

مازلت عايش في الحياه بكيفي