دبله وخاتم








بعتيه
علشان دبله وخاتم
وعايزاه يفضل كاتم
اللي ما بينكم وينساه
ويعاملك زي الناس

طب ليه
تكسري خاطر قلبه
تسرقي أغلي ما عنده
وسبتيه بعدك مجروح
ويموت منه الاحساس



لفي ودوري
دوري علي قلب يحبك
زي ما قلبه كان حابك
واكيد هتلاقي اللي هيرضيكي
ويكفي طموحك

روحي للي هيدفع اكتر
واتغري في نفسك أكتر
لكن يوم ما هتندمي وهتبكي  
هتبئا رخيصه دموعك




لو كان يقدر انه يقدر
تمنك
علشان تبئي معاه
كان عادي جدا يدفع عمره
لقلبك علشان يوم يهواه


لكن شكرا علي إخلاصك
ياللي بعتي أقرب ناسك
مردوده بإذن الله ليكي
ويخونك اللي انتي وياه



هيبيعك وهيرميكي
وهيفتكر انه شاريكي
يعني بفلوسه كاسر عينك
وبفلوسه تاني ينسيكي

هتعيشي طول عمرك متباعه
وهتبئي زي الولاعه
من ايد لايد من جيب لجيب
طول ما الفلوس اللي بترضيكي


عبدالرحمن سامي  

شاركنا علي الفيس بوك 






إرسال تعليق
مازلت عايش في الحياه بكيفي