شــكراً 2011



نــهايـة 2011
اخر يــوم في السنه الغريبه العجيبه دي 
مش مـصدق انها انتهت حقيقي 
بالرغم من غرابتها وإثارتها ورعبها وحلاوتها وسلطاتها وبابا غنوجها الا انها كانت احلي سنه في عمري 

مش عارف اكتب ايه حقيقي اكتر من 
" شكرا 2011 " 

انا من الناس الحزينه ان السنه دي خلصت 
بس اتمني ان 2012 تكون افضل منها وهي دي امنيتي 

حتي المدونه , كانت افضل سنه ليها هي 2011 
وان شاء الله تستمر وتتطور  في العام الجديد 

انا بكتب الكلام ده دلوقت للذكري 
ولاني مكنتش لاقي حاجه اكتبها ولا موضوع اعمله في اخر يوم في 2011 وانا في البيت 
فقررت اني اخلي الموضوع ده ذكري 
وانا دلوقت قاعد في غرفة محمود صديقي في انتظار محمود علي ما يلبس عشان نخرج 
وبـشكره هو كمان كانت اكتر سنه قربنا لبعض فيها برضو رغم اننا اقرب اتنين لبعض بقالنا كام سنه 
الا ان السنه دي قربتنا لبعض اكتر واكتر بسبب احداثها وظروفها 

انا بـشكر كل انسان في حياتي وبتمني اني مكنش خسرت حد في السنه دي 
وان السنه الجايه أفضل محافظ علي اصحابي وزوار المدونه اللي زي اخواتي وأضيف ليهم ناس جميله زيهم 

مش لاقي كلام انهي بيه الموضوع 
بس للاسف الموضوع لازم يتختم زيه زي السنه اللي بتخلص دي 

انا دلوقت كل حلمي وكل املي ان 2012 تكون تكمله للحلم اللي بدءت احقق فيه من اول 2011 
واني افضل أبني في نفسي اكتر وأكتشف حجات جديده في نفسي اكتر 
واثق في نفسي اكتر واحب نفسي اكتر 
نفسي تكون التطور الطبيعي لــ 2011 يعني 

بـس زي ما 2011 فيها عشت احلي لحظات حياتي برضو كان فيها ظروف قاسيه جداا عليا وعلي البلد وعلينا جميعا 
بس كلنا استحملنا وكلنا كنا رجاله واولنا بلدنا 
ان شاء الله هنوصل للي مكناش نحلم بيه كمان 

اخر حاجه هسيبها في 2011 
هي كلمة شكر لـشهدائنـا 
شهداء ثــورة الحريه -- شهداء مصـر 
الله يرحمكم ويـكرم بلدكم بيكم 





شــكراً 2011 
اهـلاً  2012 


إرسال تعليق
مازلت عايش في الحياه بكيفي