تخاريف حاول تفهمها








من غير كلام بيني وبينها , انا قررت اشوفها
معرفش تشبه مين .. ؟ ومستحيل لو شوفتها أعرفها
بس وحشاني ..
هي مين .. ؟
ملهاش حدود , مش زي كل الناس ليها اسم , ليها شكل , ملهاش كيان مـسجونه فيه ..
انت مجنون .. ؟ اه
بتكلم نفسك .. ؟ فعلاً , مهي نـفسي .
***
امي نادتني , كبريت يا ابني , وبطل سـجاير ..
بطلت اهوه ..
" كلام تمويـه " اصل العلبه خلصت .
***
موبايلي رن , مع انـه مفيهوش كارت .. !
بس عادي أهو رن , أسيبه يعني وأطنش .. ؟
واحد بيعاكس .. النمره غلط يا حبيبي .
فرد : نمرة ايه اللي غلط يا أهبل , هو في اصلاً نمره .. ؟ انا متصل بيـك
طوويب .
***
عايز أذاكر – طب ذاكر – مش عايز .
***
الكبريت يا ماما , مسمعتشي , اللي سمع " الولاعه " اللي في الدُرج
صرخت : ما تبطل عادتك دي يا اخي وولع بيا , انت مشتريني تموتني , عايزه أشتغل بئا الله .. !
-          خريـجة ايه انتي عشان أشغلك .. ؟
***
الشباك بـيلعب مـع الهوا .. !
روح ياض منك له كل واحد يلعب عند بـيته لأرش ميه .
***
حمار بـينهئ بـعيد .. !
أعوذ بالله من الشيطان الرجيم .. هو خرج .. ؟
***
في الامتحان كتبت للدكتور " انا عايز أسقط "
جبت النتيجه لقتني ناجح , كويس ده اللي كنت عايز أثبته لنفسي .
***
الياهو مـش راضي يـفتح ليه .. !
نسيت الباس ورد , انا فرحان اووووووووي , لسه عندي خاصية النسيان .
جميل يـعني لسه في امل اني أنسـاها .. ؟
***
الدنيا مـاشيه , عشان كده لسه عايـشه .. !
ااااااااااه ريـاضه بئا .
***
الشـمعه خلصت , وزيها التدويـنه دي .







إرسال تعليق
مازلت عايش في الحياه بكيفي