كان نفسي اكون ملموح






ناديت والصوت وصل واترد ليا سـمعته صوت منبوح
كإن الكون بئا جدران – مفيهشي اي باب مفتوح
ولا النور بئا يفرق عن الضلمه
ولا الاحزان عن الفرحه
ولا المرفوض عن المسموح .

لقتني بـقول " اه يا دنيا "
ياريتني اكون نسيم بيفوت يداوي قلب كله جروح
او حتي بسمه تترسم علي شفتين .. !
مع اني عارف انها بتروح .

كان نفسي اكون " حرف " في كلمة السعاده
او اي عاده .. !
تدل صاحبها علي حاجه
يحاوط بيها حلمه اللي من غيرها , يموت مدبوح .

انا كان نفسي اكون ملموح .






إرسال تعليق
مازلت عايش في الحياه بكيفي