بستك نو يا بستك نو
الموضوع عمال يـحلو
قط وفار واكلين الجوووو
فار بينونو ع الازمات
والقط وراه بيهوهو
قط وفار قالبين الحال
عاملين فيلم مهوش بطال
حبه يناكفو في بعض وحبه .. ينصلح الحال
والحلقات تشبه بعضيها
حركاتهم مفهوم معانيها
بس ازاي هنسقط فيلم !
وكل مشاهدينه أطفال ؟
انا نفسي تفهموا قصدي
ازاي عايزني اختار بطلي مـ الاتنين !
والاتنين كرتون وجرافيتي
كنت زمان بتفرج وأضحك
مره أتعاطف ويا الفار
مره أتعاطف ويا القط
بس اللي اتعلمته معاهم
ان اخرهم هما لـبعض
والجمهور مهما بيضحك , دايما بيروح زعلان
علشان الموضوع مش ليه
الموضوع للفار والقط
وهـنفضل دايقين المر
طول ما بنهتف ليهم .. بستك نو يا بـستك نوو
عبدالرحمن سـامي
9/7/2012
2 عايز تقول رائيك؟:
فكرتني بتدوينة كتبتها عن توم وجيري
:))
انا بعشق توم وجيري
بس كرهتهم لما بئو بيلعبو سياسه عندنا :)
إرسال تعليق