بلياتشو - عبدالرحمن سامي









لو كنت بتضحك ياريت تبطل ضحك
عشان الوضع إسوء وشكلها هتقلب جد

المدينه اللي مليانه ضحك خلاص اتقلبت غم
الغم لم .. أي سن .. شايل هم .. مش مهتم لازم تهتم .. عشان الوضع بقي مُهم
برامج الاخبار كتبتها عاجل .. البلياتشو هرب مـ السيرك
لا همه أمن .. لا همه سجن وماشي يخوف كل الناس وينشر بينها الزُعر

ولسه الناس مهيش مصدقه
ان البلياتشو معدش تريقه
مصدر البسمه زمان خلاص اتحول مُجرم
هيزعل كل اللي يتصدي له خلاص اتعلم
كان فاكر انه بيضحك .. بس انضحك عليه
حياته اتسرقت منه .. والحلم مش لاقيه
بلياتشو
بلياتشو لو خطب بسهوله يرفضوه
بلياتشو
بلياتشو لو غلط محدش يعذرو
بلياتشو
بلياتشو لو غني محدش يسمعه
بلياتشو
بلياتشو لو طلع الكل ينزله
بلياتشو حابب الجميع والكل بيكرهوه
بلياتشو شايف ان هو أكبر غلطه
بلياتشو خرج من القطيع .. بقي كاره الجميع


بلياتشو قرر ينتقم من كل واحد هانو
بلياتشو هاج .. ناوي يخرج جنانو
بلياتشو قرر ينتقم لـ كل فرصه ضاعت
بلياتشو ضاع .. لما ضاعت احلاموو



كان زيه زي أي شاب بيحلم بالفلوس
حياته زي عجله بس باظت التروس
قرر يخدها مشي  ويتعب في الطريق
والطريق كتب عليه يضحك النفوس
الدنيا غامضه ماشيه بمبدء حظر فزر
فـكان لازم عشان يعيش دايما يفضل يهزر
كل المطلوب كان ابتسامه وشوية تنطيط
فـ الضحك يملي السيرك لما يمثل دور عبيط
الناس تسقف لما يبدء يدمع
أل يعني فاكرينه اندمج في الدور .. وانه مُبدع
عملتله ايـه شهادته من كليه عُليا
مرفوض سماع شهادته لو حصله أي بالوه
القلب حب بس جيبه قاله لأ
عاند وراح طلبها أبوها برضو قاله لأ
لا شهاده شفعتله ولا فكره حتي نفعه
عشان ملوهشي واسطه كرش بلده بلعه


بلياتشو قرر ينتقم من كل واحد هانو
بلياتشو هاج .. ناوي يخرج جنانو
بلياتشو قرر ينتقم لـ كل فرصه ضاعت
بلياتشو ضاع .. لما ضاعت احلاموو





إرسال تعليق
مازلت عايش في الحياه بكيفي