كلنا مجروحين







كلنا مجروحين
من أولنا لأخيرنا
وحتي اللي جرح فينا
زعلان لانه مش منا

كلنا خسرانين
والضعف شئ جوانا
واللي استقوي علينا
ندمان عشان مش ويانا

ودموع عنينا هي اسامينا
بنعرف بعض بيها
ويوم ما نلاقي لينا ضحكه
نخبي جراحنا فيها
ولما نقعد ونفكر
نشوف حياتنا
زي ورده
ودموعنا تنزل عليها

كلنا مجروحين

....................................


وكأن عادي ان الندم
يبئا نهاية كل حكايه
وكأن عادي ان الألم
يبئا بداية كل نهايه

وكأن عادي ننجرح
من اغلي الناس علينا
نبكيلهم واحنا بنبتسم
وفي نــار قايده فــيــنــا

كلنا مجروحين
كلنا خسرانين




ودموع عنينا هي اسامينا
بنعرف بعض بيها
ويوم ما نلاقي لينا ضحكه
نخبي جراحنا فيها
ولما نقعد ونفكر
نشوف حياتنا
زي ورده
ودموعنا تنزل عليها

كلنا مجروحين


بقلمي 
إرسال تعليق
مازلت عايش في الحياه بكيفي