أنا طلعت القمر
وشوفت نجوم كتير
ومشدش انتباهي
غير نجمه واحده بس
حاولت اوصلها
لقيت بينا فراغ
مش هعرف اروحلها
وماله كفايه أبص
قعدت كتير اوي
يحوم قلبي عليها
مستني بس فرصه
حاجه تملي الفراغ
وانا اروح وادوس عليه
وابقي بقيت جنبها
فسمعت صوت دموع
قولت ابص اما اشوف
مين بيدمع عليا
فلقيت نجمه ورايا
نفسها ابص ليها
نفسها تشوف عنيا
فرجعت ندهت ليها
في ايه يا نجمه انتي !!
قالتلي انا بحبك
ومفيش بينا فراغ
يعني لو حن قلبك
في ثانيه هتبئا جنبي
قولتلها انا مش بحبك
قالتلي خلي بالك
النجمه اللي هناك
كتير حلمو يشوفوها
وكل واحد منهم
رجع وقلبه هالك
فياريت لو تييجي عندي
وانا ألففك الفضا
انا هفضل اقول بحبك
ومش عايزه اسمعها منك
كفايه عليا صوتي
وانا بسمع صداه
قولتلها يا نجمه فوقي
انا فين وانتي فين
انا حلمي اوصل لفوق
للنجمه اللي هناك
انا عارف اني هتعب
وان كنت هندم عليكي
انا موافق يا ستي
فقالتلي طيب امشي
وأمانه وانت راجع
تبئا تعدي عليا
وتقولي عملت ايه
ووصلت لحد فين
قولتلها بس ادعي
وانا راضي أمشي واجري
لو حتي 1000 عام
بس ألمس النجمه ديا
واعرف طريقها منين
ورجعت وقفت في مكاني
هناك بعيد أخر القمر
مستني بس حاجه
تييجي تملي الفراغ
واروح وادوس عليها
واوصل للي في خيالي
لقيت كوكب معدي
ندهت عليه بسرعه
قال عايز حاجه مني ؟
فرحت اوي بسؤاله
قولتله
ممكن تخدمني ؟
قال اؤمر يا ابن أدم
وانا انفذ الكلام
قولتله ممكن تخدني
للنجمه اللي هناك
قالي لاء وسلام
قولتله استني بس
وديني هناك وروح
انا اصلا مش عايز ارجع
قالي طيب اركب
بس افتكر الكلام
وشرط عليا شروطه
قالي هنروح وراها
وانت في لحظه واحده
تعدي لأرضها
وابئا افتكر كلامي
هتتعب منها
قولتله انا بس اشوفها
فخدني وطيرنا ليها
بشويش وقف وراها
وقالي يلا انزل
بس استني اما اقولك
لو جيت تدوس عليها
ومشيت وانت وقعت
انا مش هنزل واجيبك
وده شرطي الوحيد
قولتله طيب اسكت
سبها علي الله وعليا
ويدوبك بمد رجلي
مشي الكوكب وسبني
ندهت النجمه ليا
وقالتلي انت مين
قولتلها انا غريب
تايه مش لاقي ناسي
قالتلي تايه برضو !!
ولا انت عامل ناسي
قولتلها انا بحبك
وتعبت علي ما اوصلك
قالتلي فين مهري !!
قولتلها تبئي جنبي
ضحكت وهزتني
قالتلي انت عبيط !!
مش شايف انا ابئا مين ؟
افتكرت ساعتها النجمه
اللي واقفه عند القمر
قولتلها نفس الكلمه
طب ايه دلوقتي العمل ؟
قولتلها بصي يا نجمه
بقالي كتير بشوفك
وبتابعك من بعيد
ومستني اللحظه ديا
علشان اجي اكلمك
قالتلي مستحيل
انا حبي ليه شروط
ولو حبيت بفرض
محبش حد كده ...
عايش تحت ع الارض
قولتلها والعمل !!
قالتلي يلا انزل
وان جيت عليا تاني
هخلي طولك عرض
قولتلها اديني فرصه
ارجع للقمر
قالتلي لاء انزل
مفيش رجوع للقمر
اللي بيتعب عشان يوصلي
ويوصل
لو مكنش مالي عيني
ميرجعش غير ع الارض
فجريت انادي الكوكب
يا كوكب
يا كوكب
يا كوكب تعالي خدني
ارجوك انا عايز ارجع
لقيته واقف بعيد
وشكله فرحان فيا
قاعد يضحك عليا
وقالي انا قولتلك
لو روحت عمري ما ارجع
ووقفت أخر النجمه
مستني بس فرصه
حاجه تملي الفراغ
وادوس عليه واعدي
وارجع تاني القمر
لقيت النجمه رقصت
معرفتش امسك نفسي
شكل الوقت ده اخري
انا شكلي هموت دلوقتي
لكن من حسن حظي
لقيت حبل ومسكته
وندهت للنجمه
بئا ده جزات العاشق
هتموتيني ليه
طيب انا لو هموت
هتستفادي ايه
فضلت تضحك وترقص
والحبل شكله فك
وحتي حبل اعصابي
باينه برضو فك
والكوكب اللي جايبني
سبني برضو وفك
لقيت الحبل ساب
ووقعت في الهوا
انا مش خايف اموت دلوقت
في لسه مليون سنه
علي بال ما اوصل للأرض
غمضت عيني ونمت
لقتني خبطت جامد
حسيت ان انا مت
فتحت عيني وفوقت
لقيت النجمه اللي ...
وخداني في حضنها
قالتي مش حذرتك
قولتلك انك هتندم
قولتلها انا ندمت
قالتلي مش مهم
ما يقع الا الرجال
والراجل لما يعشق
جرحه بيبئا جبال
لكن انا لسه عاشقه
وعايزاك تبئا جنبي
ايه رائيك تييجي نرجع ؟
نعييش جنب القمر
قولتلها يا نجمه أسف
معرفتش اعرف قيمتك
قالتلي لاء مش منك
العيب ده كان من حبي
لو كنت ضميتك في حضني
كنت هتقعد تفكر
قولتلها ازاي بعد جرحي
لسه برضو شايله حبي
قالتلي اللي يحب
مدام قلبه حب
لو شاف من حبه نار
ناره دي نوع م الحب
بقلمي
عبدالرحمن سامي
0 عايز تقول رائيك؟:
إرسال تعليق