يا ورقة الامتحان




 




 


يا ورقة الإمتحان
يا نايمه علي الخشب
مالك مكتومه ليه
مالك قاعده بأدب

خليتي المراقبين يتنططو
ويقولو حلو في سكوت
ما اللجنه التانيه حلو وظبطو
وغشو من غير صوت

ردي عليا ووسيني
او حتي غششيني
طيب بلاش الغش
تعالي بقا فهميني

جبتي الكلام ده منين !!
والاسئله اللي فيكي ...
جابها الدكتور مـنـيـن !!

مش انتي نفس الماده برضو
اللي مراجعها امبارح ؟
طب مدام انتي هي
راحت المذاكره فـيـن !!

طب السؤال الاول .....
في انهي باب في الكتاب ؟
طبعا ولا تعرفي
أصل انتي حتة ورقه !!
وكنتي ورقه فاضيه
ملاكي منين يا فـاضـيـه ؟
وليه كنتي انتي راضيه !!
في كل حته فيكي يحطلي حرف ( س )
؟
طب أجيب منين الـ ( ج )

طب السؤال التاني .......
انا شايفه ملوش لزوم
منا لو قعدت يـومـيـن
مش هفتكر القانون .
يبقي ع العموم
كده مش هحل سـؤالـيـن ..

نييجي للسؤال التالت .....
سؤال صح و غلط
أديني قريته كله
وشايف انه غلط .
هتقوليلي مفيش حاجه صح
هقولك لأ مـفـيـش ..
ده السؤال اصلا بحاله
جاي كله بالغلط

طيب أخر سؤال ....
سؤال والله نـسـمـه
عايزني ارسمله رسمه .....
من 300 رســمــه
لسه مراجعهم قبل ما ادخل
انا والله عارفهم
بس انا نفسي أعرف !
أرسمله أنهي رسمه
من ال 300 رســمــه

كده هيعدي الامتحان
وهقوم والورقه فاضيه
بس ودي تييجي !!
اسيبها ليه فاضيه ؟

بصي يا ورقه قبل ما اسقط
اصحيلي كده وفوقي
لازم انا قبل ما امشي
امضي عليكي بخطوطي ...

هـكـتـب شـكـرا يـا ورقـه 

وابـقـي اشـكـريـلـي ابـوكـي

يـعـيـش الـطـالـب اللـي يـسـقـط

ومـلـعـون أبـو اللـي حـطـوكــــي .





إرسال تعليق
مازلت عايش في الحياه بكيفي