انا بتنفس حريه
وانا مصري بقولها وفخور
انا انسان م الليله ديا
حره يا بلدي زي الطيور
وانا برضو فرحان وفخور
بالثوره وجيلي وشعبي
انا برفض اي استخفاف
بكرامتي وحقي انا فيها
واللي يعيش دايما خواف
مش معقول ينتمي ليها
من كتر ما خوفت عليها
طلعت اصرخ علشان حقي
في يوم 25
كنت انا بره مع الملايين
ونداهنا للحريه
عايزين حق المصريين
في يوم 25
قولنا خلاص محناش ساكتين
لازم ناخد حريتنا
يا نظام لسياستك رافضين
علي كتفي وكتف الثوار
قامت الثوره
بنصرخ بحماس
اطلعو بره
احنا الحراس لبلدنا خلاص
م اليوم ده بلادي تعيش حره
الايد في الايد وبنتحدي
والمصري يبان وقت الشده
ومعدش في خوف
ولا اي ظروف
ممكن نقبل تاني الضلمه
واللي يدوق طعم الحريه
عمره ما يرضي غير بيها هي
وانا عن نفسي خلاص دلوقتي
مش هتنفس غير حريه
0 عايز تقول رائيك؟:
إرسال تعليق