مبروك علينا البدله يا رجاله





طبعا الموضوع الاساسي لكل المصريين امبارح 
كان الزياره التاريخيه للمشير طنطاوي لوسط البلد 

الناس بدءت تشكك وتقول المشير بيرسم ع الرياسه 
بس انا بصراحه مش مقتنع 
انا حاسس انه كان نازل يجيب شريط عمرو دياب الجديد وراجع تاني 

الملفت في الموضوع هو ظهور المشير (( ببدله مدني )) 
والناس استغربت 
وانا بقول عادي يعني هو مش من حقه يدلع نفسه الله 
ده حتي نفس البدله دي بتفكرنا بأخونا (( جمال )) ابن ابونا (( مبارك )) ولا ايه :d
كان بينزل بنفس البدله يلف في البلاد والناس دايما كانت حواليه 

بصو من الاخر انا هقول كام ملاحظه صغيره كده 


1 / بيني وبينكم ,, البدله مكنتش لايقه عليه خاااااااالص 

2 / مستنيين ايه من (( مشير )) ؟؟ 
مستنيين ايه من وزير دفاع رئيس مخلوع .. لاء وكمان مخليينه الشاهد الاساسي في القضيه 
لولولولولي مستنيين ايه ده كويس انه منزلش بكاجول 

3 / المشير مكنش لابس بدله (( أبسلوتلي )) احنا اللي لبسنا البدله باللي فيها 


واخيرا بئا 
علي رائي المثل 

لما كنت مشير صاحبوني ولما لبست مدني (( كالوني )) 

الكلام ليك يا جاره 

العباره ومافيها 

اذا كان المشير لابس بدله 
فالشعب هو اللي اشترهاله 
والاخوان هما اللي (( كاووها )) 
والشيوخ المنافقين للحكم هما اللي لبسوهالو 

والخوف بئا زي ما الناس كلها بتقول 
ان يكون ده هو تسليم السلطه لمدنيين فعلا 

انا قولتها قبل كده وهفضل اقولها يا جدعان 
الناس بتوع المجلس العسكري بيلعبو وعهد الله بيلعبو 
واللعبه واسعه عليهم اوي 

المجلس بيتحرش بينا في ميدان عـــــام 
والشعار الجديد :
ــ ارفع ( رجلك ) فوق .. عشان انت مصري 


ميتهيئليش ان في شخص حر مدني محترم بيحترم حريته يقبل بشوية عسكر هما اللي يديرو البلد 
المجلس لازم يحط جدول زمني للانتخابات 
اي حد هييجي غير العسكر هيبئا برقبتهم 
بقالنا 60 سنه في حكم العسكر مخدناش الا في طـ تيييييييييت 

واخر حاجه بئا 
سواء قبلت ولا مقبلتش 
غصب عنك المجلس العسكري غير الجيش المصري 
واي حد فيكو يسأل اي حد في الجيش 




1 عايز تقول رائيك؟:

shams elnahar يقول...

مش هقول غير هاا ااا سعيدة ياابو بدلة جديدة

مازلت عايش في الحياه بكيفي