محناش زي الملايكه
ده كل العبر فينا
لو في أوجه تشابه
هتبئا أسامينا
فينا اللي ماليه الغل
وفينا اللي مات مـ الزل
وازاي ننادي الحب
وازاي يضيع فـ الاصل
وازاي نعتب عليه
لما بئا بإيدينا
محبوس في أغانينا
يا صوت قلوبنا انطق
زعق وهيج فينـا
وجه بصرنا لمنطق
يحصل لنا يرضينا
وفقنا علي حالنا
عرفنا خطاوينا
اصرخ وقول للبشر
ان الخضوع عاله
عرف صفات الدكر
مش بس رجاله
فهم قلوب الحجر
لو كان عايز ينتصر
مش بس نتباهي
ومسلوبه أراضينا
يا نسمة الحريه
تمنك بئا غالي
عند الكتير منسيه
وعندي انا غالي
ويوم ما طلبت ريحتك
الكل ثار ضدي
مين اللي يعرف قيمتك
غير اللي عاش غالي
ميستهلش الحور
اللي يشوف النور
ويقول وانا مالي
يا سقف السجن إعلي
تحتك في ناس أحرار
بالزل رفضوا الجنه
ولنسمة الحريه
استحملوا النار
احنا هنا الابطال
وده مش أخر مينا
لسه السفينه هتمشي
ومينا ورا مينا
راح نلقي يوم قبطان
عنده أمانينا
زي ما في خاينين
في برضو ناس تانيين
يوم ما السفينه هترسي
راح ييجي يوم لينا
ونلاقي ناس واقفيين
ومعلقين الزينه
ناس مؤمنين بكفاحنا
مستنينا واحنا
راجعين بماضينا
وبرغم كل جراحنا
هنعترف بالحق
محناش أبطال لإن
بس , قولنا لاء
بطولتنا تمن اندفع
دم كان غالي
في وقت تمن الحق
كان أغلي مـ الغالي
ومحناش زي الملايكه
ده كل العبر فينا
لو في أوجه تشابه
هتبئا أسامينا
0 عايز تقول رائيك؟:
إرسال تعليق