مـذبحة بـورسعيد

74 شهيد 
وعدد ضخم من المصابين 
بس المره دي مش من ايدي الشرطه او الجيش 
اتعلموا الدرس خلاص , سابو البلطجيه عليهم ووقفو يتفرجوو 


انا مش لاقي حاجه اقولها غير حسبيا الله ونــعم الوكيل 
انا نفسي اوجه رساله للمجلس العسكري 


دمـر الاقتصاد مااشي , كره الناس في الثوره ماااشي , شووه شباب الثوره ماااشي , خلي الناس تقول فين ايام مبارك مااااااااشي 
بس بلاش الشباب , نبوس ايدكم بلاش الشباب , ليه كل شهر يـموت مش اقل من 50 شاب في مــصر 
حراام , سيبونا يمكن نقدر نعمل حاجه في المستقبل نصلح ولو حاجه في البلد المتدمره اللي ورثناها منكم ومن حكامكم لمدة 60 سنه 


استغلال رساله ساميه زي الرياضه لضرب الفتنه فيها عشان تفضلوا قاعدين لانكم متأكدين ان برامج الرياضه في مصر لسه بتحسس علي طيركم وهتطلعكم اشجع الشجعان واللي ماتو اللي غلطانيين عيب 
والله عيب 


واقول للمشير , الاحداث اللي زي دي بتحصل في اي حته في العالم فعلا , بس في حاله واحده بس 
لما تكون البلد في صرااع علي السلطه وصاحب السلطه مش عايز يسلمها فبيحرق البلد 
عبدالناصر حب يمتلك فحرق القاهره 
دم الشباب دول اللي ماتو من موقعة الجمل لحد اليوم كلهم في رقبتك انت واللي معاك في المجلس 


ليه توصلوا للناس ان حكاية تسليم السلطه دي عايزينها ناس مخربه وتخليهم يقولو نسلمها لمين ؟؟ 
مبتفهموش الناس ليه ان في حاجه اسمها انتخابات وهما اللي هيختاروو رئيسهم بإيدهم 


واقول لاعضاء المجلس العسكري ولكل المتحالفين معاهم حاجه واحده بس 
ترضي اقتل ابنك واديك 30 ألف جنيه واعمل 3 ايام حداد ؟؟؟
ترضي ؟؟ 
اكيد لاء 
طب لما هو لاء مبتحسش بغيرك ليييييييييييييه حرام عليك انت والنـُجسا اللي محابي ليهم 


المجلس العسكري , انتم فشلتم سنه ونص في ادارة البلاد 
اسود سنه عاشتها مـصر من قرون هي السنه دي 
بدل ما الناس تفرح بالثوره والروح اللي كانت ماليه كل واحد فينا طفيتوها وكرهتونا في بعض 
وبتعاقبونا علي الثوره اللي بتقول حميتوها 
حميتوها ؟؟ طب واحنا مين يحمينا ؟؟ 
انتو فاكرين ان الثوره دي ميدان واحداث عدت وخلاص ؟؟ 
طب واصحابها ؟؟ 


انـــــا مــــصري 
وقـرفااااااااااااااااااااااان منكم بجد 
قرفااااااااااااااان ان احنا ساكتين ان شوية اغبياء وسفاحين يحكمونا السنه دي 
قرفااااااااااااااان اننا بندفع اغلي حاجه في حياتنا للبلد دي وأرخص حاجه عندها هي دمنا 
انا قرفااااااااان منك يا مــصر 
انتي زبـــــاله 
حرام عليك يا شعب لحد امتي هتسكت عن قتل شبابك 
حرااااااام عليك يا شعب شبابك بيتقتلو كل شهر قدامك 
اي مستقبل بتتكلموا عليه وانتو بتقتلو وساكتين علي قتل شباب البلد دي ؟؟ 


جـوايــا كلام لو قعدت اكتب وابوح بيه مش هخلص 
في النهايه انا منتظر مجلس الشعب اللي الشعب اختاره واشوفه هيحاسب الحكومه والمجلس العسكري ازاي 
لو مجبش حق الشباب اللي ماتوو غدر دول من الداخليه والعسكر 
يبئا انا مكاني الميدان ومعنديش حاجه اسمها برلمان