قـبل النوم بـسرح فيها






قبل النوم ويـوماتي يا ناس بـسرح فيها
مين ؟ فين ؟ وازاي اتعرفنا ..؟ مـش عارف
ايـه اللي رابـطنا غير  وهم انا متخيل فيـه .. !! مـعرفش
تـعرفني ؟؟ أعرفها ؟؟ مـبتفرقش معايا
بـفرح وانـا حـاسس فرحتها , وماسك ايـدها وماشي معاها طـريق مش باين فين أخره
وبـتوتر وانا بـحكيلها ازاي قررت اني أصارحها
وبـتنهد تنهيده كبييييييييييره لما بـتضحك وتوافق وتحسسني ان انــا عايش واقع مش وهم

ونـفكر مـع بـعض , ازاي هتقدم لأبـوها , وايـه هتقوله لمامتها علشان تقنعها ان انـا هو اللي عايـزاه
وهاجي لوحدي الاول ؟ ولا لابـد يـكون في حـد مـعايا يـمثل عيلتي وموافقتهم ومباركتهم
واتـخيل ان انا روحت , وقولت كلامي وابـوها سألها وقالت راضيه وحددنا مـيعاد خـطوبتنا
وتـمر سنين قدام عيني كإنها ساعه , وألاقيني مـعاها وبين ايـدها جووه في بـيتنا

ونـفكر بـعض
فـاكره لما حكتلك قبل ما اقابلك كنت ليلاتي انا بـحلم بيكي وباليوم ده .. ؟
فـاكر اول مـره انا قولت بـحبك كانت امتي ؟ ده كان كذب , انا حـباك من قبل ما اشوفك

انــا فــاكر أحلامي مـعاكي , وكل قـصايدي وكل غُنايا اللي اتخيلتك بين كلماتـه
كـل الفرق , اني مكنتش بـعرف شكلك رغم الألفين حلم اللي قابلتك فـيهم
يـمكن كنت بـخاف ارسملك صوره , فأحس ان انتي ملاك وأيأس وأقول مش حابب حد
 وأما عرفتك , حطيت صـورتك جو الحلم وقولت لا يـمكن .. !! ده انتي بجد

كـل كلامي ده جـوو الحلم , في قلب الوهم , بـس انا عارف اني بـحبك من دلـوقت
فأطمني انا حـافظ نـفسي وشايل ليكي مليار كلمة حب عشانك بس
وامـا هقابلك , اوعي تحسي ان انا مـجنون , لما اعاتبك علي مـوضوع كان في الحلم مـتعرفيهوش
وصـدقي كل كلامي , صدقي اني بـحبك قبل ما نـعرف بـعض بـأكتر من عقدين
واني يـوماتي قبل ما انـام كنت أسرح فيكي , من غير ما أعرف مين انتي , ولا فين ألاقيكي , ولا حتي ازاي هتقربلك
واللي ناقصني عشان الحلم , اني أعرف شـكلك .  




إرسال تعليق
مازلت عايش في الحياه بكيفي