زغلول - قصيده جديده








حكاية اسم يتلخص في مليون اسم
بيوصف روح , بيوصف جسم
بيحكيلكم قصص في اغاني
ويوصفها لكم بالرسم .

وقت الفرح محـسوبله كام ساعه !
وقت الزعل مابيتحسبش بالساعه
وكل شئ في الدنيا دي مابيتخدش غير بالقوه
شوفو الربيع والصيف شهور بتلون الدنيا
ييجي الخريق , يهدم كل ده في ساعه !

زغلول
احساس وشخص ووطن منهوب
زغلول
في بلاده مهوش مـحبوب
زغلول ديوان مليان كلام وحكاوي ما لها نهايه
وكل حكايه في بلاده لها مقلوب

بيت من دهب والباقي مبني بـطوب
والصبح , يـصبح بإنتصار – بليل يبات مغلوب
وبلاد وغرقانه في معاصي – ووقت الادان بتتوب
وهناك الفقير يتهان لو حتي كان عالم
وهناك أمير يتصان , ملوهشي قيمه غير بالتوب
وحصان عايش يـشيل حمول صاحبه
وحصان عايشله صاحبه , مهواش للركوب
وقانونا نعرف بـعض بالأشكال
وربنا المعبود عارفنا بالقلوب
والكل بيحب التدين – ويومه هاريه ذنوب

زغلول هناك يطلب بحقه يتسند
زغلول هنا في الروحه والجايه يتلسع – مليون وألف وستوميت مركوب

زغلول زهق من طلبه للمعقول
مطلوب يعيش
يحلم
يغني كلام ملوش معني
يشوف افلام مهييش حلوه
يصدق كل يوم كدبه
ميضحكش الا علي نكته
ميرسمش الا وش اهبل
يعيش اهبل
يموت اهبل
ملوش دعوه
مدام عايز يروح جنه ..... يحكمنا
نقوله يمين يقول حاضر
نقوله شمال يقول ماشي
نشاورله يقوم ... ماشي

ولما يـعوز ؟ يطالب
بس يتزلل
يوافقوله , علي شئ تاني خالص
مهو اهبل وهيهلل
مهو زغلول
ومهما رافضه بيطول
مسيره بيهدي ويكمل


انا زغلول
انا الهادي
انا اللي بأي شئ راضي
انا الطيب ..... انا العادي

انا الحلم اللي مهما يـغيب هيتحقق
انا بـكره اللي هيوريكو مين زغلول
ومهما تشككو في بـكره ..... انا مصدق

انا الصابر
علي الزمن اللي بينافق
علي الزمن اللي خني عشان يراضيكم
وخد أرضي وخلاها أراضيكم
عشان تحموني ولكنه ,,,, خلاني انا أحميكم

مسيره في يوم يمل حياتكو ويحن ويهيج ويقول
مكنش ليا منكو ........ غير زغلول
وتتغير حياتكو جحيم
وتسألو بعض " زغلول مين "

لحد ما تنطق الاشجار
وتوصفني ليكو الاحجار
تشوفو شكلي في الامطار
فـ تنتبهو وتفتكرو وتجرو تدورو عليا ومتلقونيش
فـينده ليل كحيل اصوت بصوت عالي ويقول
مكمل للنهايـه معاكو
مات زغلول



إرسال تعليق
مازلت عايش في الحياه بكيفي