تعمل ايـه !!
لو سمعت في يوم صريخ , حد جواك نبهك
حبة بشر حواليك بتبكي , ويقولوا الله يرحمك !!
وانت سامع كل حاجه , بس مش قادر تقوم
وانت حاسس انهم بيكفنوك , بيجردوك من الهدوم !!
وانت نفسك بس تنطق , لجل تعرف ايـه حصل
وانت سامع اخوك بينده , ويقول الكفن وصل !!
كام دقيقه يدوب ويتصلي عليك
يتجه نعشك في أخر رحله ليك
للمقابر !!
وانت أصلاً لسه عايش
بس مش قادر تقوم !!
الحكايـه دي بعيشها كل يوم
وحدتي هي السكوت اللي خارسني
طفل جوايا زمان يما انبسط !!
وعشان كده دايما ينبهني
ان لسه في أمل ..
وان موصلش الكفن ..
لسه بكره ..
لسه دايما عندي فرصه !!
يمكن الناس اللي فقدت الأمل فيا تعود
يمكن الناس تنتبه , اني بموت !!
يمكن أقدر أعيش سعيد لو حتي يـوم !!
أنا كل يوم بيفوت بيقتل فيا حته
أنا لسه فاضل فيا حته !!
إلحقوها .. قبل ما راح تندموا
إلحقوني ..!!
لو في عندك كلمه قولهالي النهارده , قبل الله يرحمه
0 عايز تقول رائيك؟:
إرسال تعليق