عبدالرحمن - الجزء الأول

متعود أحياناً إني ..

أطفي النور وأقعد أكلمني ..

وساعات تطلب ويايا دموع ..

لكن مقدرش !!

أنا ليا حوالي 6 سنين

مهما حصلي , مبدمعش !!

مش فاهم ليه ,

أنا كل ما بخسر شئ و أقول , يستاهل ده اني ابكي عليه ,

وأقعد مع نفسي أفكر فيه ..

ملاقيش ولا حاجه بتألمني ,

وكأنه مجرد شئ تافه ..

فـ أكتبه في قصيده ..

وساعات اَغنيها ..

وأفضل أيام أسمع فيها ..

وبقدرة قادر وبـ فني ,

الوجع اتحول اُغنيه ..

اتحول شئ بيفرحني !!

بضحك علي نفسي ..؟

ميهمش

أنا ليا قصايد .. متعدش ,

ممنوع تقراها .

أنا ليا قصيده تحديداً , أنا أصلاً ممنوع أقراها .

أنا عندي أغاني كمان برضو , مقدرش أنشُرها ..

دي اتعملت بس لـ شئ فيا ..

اتعملت , ليا ..

علشان أسمعها ..

أتعلم منها ..

أنا قبل ما أموت , هبقي دافنها ..

وإن قررت أسيب حاجه منها ..

ههديها لناس معرفهُمشِ ..

وفي يـوم هتجيلك ,

أنا عايزك تعرف من دلوقت ..

مهما حاولت تفسر فيها ..

عمرك زيي ما هتفهمها .

بمرور الوقت ..

هتصدق شئ واحد بس ,

إن العيب مش فيك أبداً ,

لكن عُمرك ما هتفهمني .

ــــــــــــــــــــــــــــــــــ

عبدالرحمن سامي

26/1/2014

ــــــــــــــــــــــــــــــــــ