أغنية فلسفه فارغه لـ عبدالرحمن سامي





أو 




***

كلمات الاغنيه 

***




حبي للكتابه شكله خلي عندي ضمور في العيشه 
بحس بيها اني جبل لكن بوزن ريشه 
قلة كلامي حاله بالتدريج وصلت ليها 
قلت كتاباتي لأني عايش فتره بعاني فيها 
موهبتي دايماً بتعاتبني كوني مقصر معاها 
رافضه فكرة كل جهدي مُسخره لإخفاء العاهه 
شايفه شاعر خايف يلقي قصيده عن مُعاناته 
فـ بتسخر من فكرة التمويه ما بين كلمات أبياته 
غني لنفسك انت لو محدش تاني هيسمعك 
اكتب قيمه بعد موتك تقدر هي تخلدك 
زور بلاد في سطور كتاب وارقص علي نغمات الحياه 
ما بعد ضحكه صادقه فجأه مفيش حجات هتنفعك 
فـ اكتبها فكرة 
ارسمها ضحكة 
غني المواجع يمكن تُلفظ حاجه أحلي 
واعدها صدفه 
عاهدها محنه 
مابين النص الفاضي والمليان فلسفه فارغه


خلصت الحدوتة وانا مش فاهم حاجه لسه 
جوايا حاجه بتطالبني أقوله عِيدها 
الناس بتسقف وبتهتف بإسم اللي بيحكي
ببص لقيتني بنحني لهم بعد نهايتها
(2) 


لو انت شايفني بكدب فأنا بقولك انت صح 
القصد عمره ما كان في كتابتي ان انت تفرح 
بخلد نفسي يمكن بكره تفتكرني بيها 
متسألش انت قاصد ايه لأني رافض أشرح 
بسمح لك بعد موتي ده لو حبيت اسمع أغانيا 
اوهبلي ذنبك لو حسيت  فيها حُرمانيه 
ما تناقش حد زيي أهمية الموسيقي
لأني بعتبرها أهم جزء من ابداع الإنسانيه 
قربنا جداً من النهايه ولسه مش واعيين 
في حد مات جوانا باين واحنا مش حاسين 
أفضل ما فينا بيتهدم يوماتي من السخريه 
سواء بقصد منا ولا كنا مش قاصدين 
لو سبت نفسك للأيام هتلقي نفسك مسخ 
متلازمة : عايش زيي زي أي حد 
بدل ما بيدور عليها بقي يدور علي شغل
مابقتش تستناه ومستنيه أي حد .


خلصت الحدوتة وانا مش فاهم حاجه لسه 
جوايا حاجه بتطالبني أقوله عِيدها 
الناس بتسقف وبتهتف بإسم اللي بيحكي
ببص لقيتني بنحني لهم بعد نهايتها
(2) 







فلسفه فارغه - عبدالرحمن سامي







إرسال تعليق
مازلت عايش في الحياه بكيفي