الاسم حبيب العدل
والفعل عدو العدل
وفي زمنه غاب العدل
وبأمره انتشر الظلم
بسياسته دمرنا
بسلاحه موتنا
وبخططه أخرنا
واستحلل دم الشعب
يا زمان اشهد علي ظلمه
يا تاريخ احكم علي حكمه
ده جبان خاين وعميل
خان ارضه ووطنه وامه
ده وزير طلع دينا
محكمناش بزمنا
كسرنا وفرعنا
خوفنا وضيعنا
وهروبه ملوش معني
غير انه خايف منا
لو كنت أقدر أحاكمه
كنت أشرب من دمه
كنت أقطع لحمه
وارميه للكلاب
اشهد يا تاريخ علي عادل
بالاسم لكنه قاتل
يارب انا راضي بحكمك
ع الكلب الطاغي الكداب
في الاخره عارفين سكنك
في جهنم ومعاك حكمك
انت وكل الوزرا
ملكوش في الجنه مكان
امثالك في جهنم
ياللي استحليت أمنك
وطلقت كلابك ع الشعب
وسرقت منه الامان
لازم طبعا تتحاكم
علي كل شهيد 100 جالده
100 شبشب ع الغلطه
وتلف علينا واحد واحد
نديلك بالجزمه
يا وزير بالاسم يا واطي
الشعب ده سيد سيد سيدك
م اليوم ده خلاص مش هنطاطي
للبدله السوده وظلمك
يا بلدنا اكتبي في كتابك
سحب الامن وسابك
بليل في الضلمه لناس
نهبوكي ورعبو ولادك
اوعي يا مصر تسامحيه
اتوضي وادعي عليه
وبإذن الله هتروئي
وبايدينا هتحاكميه
هو وكل الظلما
تعبك هو وهما
لكن هنجيبلك حقك
وبدمنا نمحي الغما
يا نظام نايم في الدرج
ومعاك نيمت الامه
واقفلنا ليه ع البرج
ما تغور بئا يك حمي
الشعب خلاص قال حلمه
والحلم واضح للكل
وحبيب العدل وسيده
لازم يبعدو م الحكم
معلش القصيده كلها باللون الاحمر
اصله كان بيموت فيه
2 عايز تقول رائيك؟:
قصيدة تمام ياعبدو
وتحيا مصرام الدنيا
تسلم
إرسال تعليق