فينك من زمــان







فينك من زمان
فعلا وحشتيني
انا لسه في المكان
مستني لما تجيني
وحاسس اني هفرح
لما أرجع دنيتك

فينك من زمان
بجد مشتاقلك
ابئا كداب جبان
لو قولت انا مش بحبك
انا قلبي لسه فاكرك
وفاكر ضحكتك


طب فاكره لما انا وانتي كنا بنتكلم وبنحكي
انا فاكر كل حكايه ومن حلاوتهم كنا بنبكي
لا وفاكر لما خاصمتك وانتي جتيلي ووكلمتيني
وقعدتي تصالحي وتشكي لحد ما سلم لعنيكي قلبي

طب فاكره البت جارتنا اللي تملي كنتي تغيري منها
وان عدت وانا وياكي كنتي بتتمني تطلعي عينها
وانا فاكر مره عشانك لما ضربت صاحب كان ضايقك
حكايتنا انا عمري ما كنت ناسيها دي حاجه محفوره في قلبي


فينك من زمان
أصلا مغبتيش عني
انا عايش في الزمان
اللي كنتي فيه جنبي
وكل يوم بليل
دايما بفكر فيكي

فينك من زمان
ناويه تاني تغيبي ؟
ولا خلاص اللي كان
لا بإيدك ولا بإيدي
مش سهل انا تاني أسيبك
ولا سهل أفرط فيكي


فاكره أول كلمه كنا نقولها لما بقابلك
فاكر لمست ايدك كنت انا بسمع فيها دقات قلبك
واما بنمشي مع بعض وايدي كانت دايما جنبك
وكنتي بتستهبلي علشان تيجي ايدك في ايديا

طب فاكره اللعبه اللي احنا تملي كنا بنلعبها
طب فاكره جارتنا وجرينا منها بعد ما نخبط بابها
انا فاكر لسه الايام دي و فاكر تسريحة شعرك
كنتي انتي جميله ودلوقتي بقيت اجمل في عنيا

فينك من زمــان

إرسال تعليق
مازلت عايش في الحياه بكيفي