جزء من قصيدتي
( فـ المستشفي الميداني )
نايم علي السرير
في المستشفي الميداني
معرفش ايه فيا
ولا عارف ايه جاني
رجليا منملين
وايديا وجعاني
وسيول الدم نازله
من كترها عمياني
سامع كإني في سوق
والخلق نسياني
بالعافيه فتحت عيني
علشان اعرف مكاني
وأشوف انا روحت فين
والحيره قتلاني
فلقيت زيي كتير
وأكتر جايين تاني
الدم غطي وشوشهم
زي ما غطاني
شكل الوشوش واحده
شكل الوشوش
دامي
واحد جنبي بيصرخ
دكتور في ايه جرالي ؟
عالج جراحي بسرعه
علشان أثور تاني
وارجع أقف ع الجبهه
واحمي بجسمي ميداني
طعم الرصاص سكر لو كنت في مكاني ...
واستشهد اللي جنبي ..
بكي الدكتور وقاله
مبروك عليك الجنه
الثوره عشان تعيش
لازما ندفع تمنها
الدم ده غالي
والارض دي غاليه
لو حد هيضحي
نضحي احنا بدالها
جروبي ع الفيس بوك
0 عايز تقول رائيك؟:
إرسال تعليق