عاجل : بكره مش أحلي

في البدايه نحب نوضح بس ان الموضوع مش علي برنامج عمرو خالد بتاع بكره أحلي واللي بتابعه الصراحه وشايف ان عمرو خالد بيحاول يوصل للناس رساله هما مش عايزين يستوعبوها مش هقول كل الناس لكن هقول معظم الناس اللي هي الغالبيه الصامته اللي بنسميها من يوم ما قامت الثوره ابتدا الكلام عن الكلمه المعهوده بكره احلي بكره احلي بكره احلي بكره احلي يا ولدي ويا ولدتي ان شاء الله معنتوش هتقفو قدام شباك البوسته بالساعات عشان تقبضو خمسين ستين جنيه بكره احلي يا ستي عشان مش هتروحي تتعالجي في مستشفي حكومه ويقولوك ادفعي عشان تدخلي بكره احلي يا صحبي عشان  لما تذاكر كويس هتبئا بتخدم البلد مش بتخدم مصلحة ابوك اللي عايزك تخش كلية كذا وخلاص بكره احلي يا دكتور لما مرتبك يزيد ويزيد معاه عمل الخير من جانب الدكاتره واللي موجود بس بصراحه مبيتعملش الا من جماعات اسلاميه وبقولها بصراحه زي ما يتعمل مستوصف ولا مستشفي صغير كده بيكون قايم من التبرعات من المساجد بكره احلي يا مدرس لما مرتبك يكون بيليق بيك وهتستغني عن الدروس الخصوصيه ومص دم الناس بكره احلي عاطل ياللي مش لاقي شغلانه ومعندكش شهاده ولا حيلتك حاجه كل اللي انت عايزه تشتغل وتعيش بس بكره احلي هتلاقي شغلانه وهتلاقي حد أدني للأجور بكره أحلي يا مثقفين مصر احنا عندنا دلوقت 20 مليون مواطن مصري بيستخدمو الانترنت بكره يبقو 80 مليون بكره احلي للاخ اللي خاطب ومش لاقي ألفين جنيه يكمل اوضة النوم عشان يكتبو الكتاب بكره احلي اننا نغير تفكيرنا ان الجواز مش فلوس واللي يقولك فلوس ارميلو بنته في وشه وسيبك منه بكره احلي يا اخويا يا متدين محدش هيجيلك بليل في يجرك ع الارض زي الكلب وياخدك علي امن الدوله ويسحلك هناك بكره احلي يا اختي يا منقبه محدش هيمنعك من دخول امتحاناتك عشان منقبه بس بشروط اكيد وهي ان تكون لجنه خاصه بكره احلي يا صايع يا اللي زيي بكره ان شاء الله يكون في مشاريع في البلد كتير وتلاقيلك فرصه انك تكون بني أدم بكره أحلي يا سيادة الظابط اللي اتكويت من قسوة الشرطه علي الشعب وانت اللي انضريت لان السيئ بتعوم في الحجات اللي زي دي بكره يا احلي يا امين شرطه قررت تبئا حد محترم ولو مره واحده في حياتك بكره احلي يا جيش هتسيبو البلد وهي بلد محترمه  بكره أحلي يا مذيع اخيرا هيكون ليك دور تثقيف وتعمير البلد بكره احلي يا كل الناس كل اللي انا قولته ده ان بكره احلي بس في ناس فاكرين ان بكره ده هو بكره يعني بكره بعد 24 ساعه وان الثوره عملتلهم أزمه وانها خربت البلد يجو يقولك أزمة السولار بسبب الثوره ونسي اي بني ادم منهم ان كل سنه في نفس الوقت مصر بتعاني من أزمة سولار يقولك الاسعار غليت والسبب الثوره ونسيو ان الثوره قامت عشان كده اصلا وال يعني الاسعار قبل الثوره كانت رفاهيه يا جماعه حرام عليكو ده كيلو الطماطم وصل لـ10 جنيه ايام مبارك ونظيف الوسخ والبنزين مكنش في وكانت أزماته كتير في نفس الوقت اللي بنصر فيه غازنا لاسرائيل واسطوانة الغاز عندنا ب 25 و30 جنيه من الاخر كده وبصراحه الناس اللي فاكره الثوره هتجيب نعيم علي البلد من تاني يوم فأحب اقولكم بكره مش أحلي والله العظيم بكره ما احلي وعزة كتاب الله بكره ما احلي إلاهي انتص في نظري بكره ما احلي ( ده علي اعتبار اني اقصد بكره بتاعكم ) بكره اللي بنتكلم عليه في الثوره هو بكره المستقبل بكره بعد تلت اربع سنين مش تلت اربع شهور انت لما بتقرأ تاريخ ولا بتذاكر تاريخ بتلاقي فترة حكم محمد علي مثلا في نص صفحه مع انه من اهم من حكم مصر هل بتحس وانت بتذاكر التاريخ بالفتره الكبيره اللي حكم فيها ؟ يا جماعه السنتين والتلاته دول في التاريخ ولا حاجه هوااااااا الناس اللي اصلا اصلا من البدايه ضد الثوره وطالعين يطولو لسانهم دلوقت خشو جحركم تاني يا جرزان وكفايه الخراب اللي حصل للبلد منكم ومن أوساخكم لو بجد الناس كلها فهمت كده ان بكره احلي اللي هو بعد سنتين تلاته والله العظيم ساعتها بس هيكون فعلا بكره احلي واللي هو اصلا ( بكره بكره بعد 24 ساعه )