فنجان بالشقلوب







قالت : والخوف في عينيك تتأمل فنجاني المقلوب ما سر حبك في القهوه وفي الفنجان
 بالشقلوب

قال : لا أدري عن ماذا أجيب فالامر صريح وبسيط القهوه سوداء اللون وبتظبط جمجمتي
شويه

قالت : بالنسبه للكيف فموافقه سيادتك كليا اما عن لون القهوه يا ننوس فالقهوه
 بنيه

قال : سودا ,, بنيه ... ما هذا طبعا بقضيه .. لكن ما اقصده لونك فالقهوه أبيض من
قلبك

قالت : لن أذهب معك الي الشقه حتي تعتذر الي قلبي .. وليا

قال : اعتذر عن ماذا يا قطه .. لو لم تأتي يوما عندي سأفوز بصحه وارتاح والخاسر
انتي يا وليه

قالت : وحياة ام سيادتك منا طابخه الاسبوع ده عندك .. انا كنت هطبخ ملوخيه

قال : وحياة ام سيادتي ؟ يك ضربه في قلبك ولسانك يك خبطه في معاميع مصارينك
.. يكي رزيه

قالت : الله الله علي رجل طال لسانه عليا ... اعطني الورقه أقطعها م اليوم ده
ملكش حاجه فيا

قال : الورقه رمتها في النيل ومقضيها معاكي حريه

قالت : اها يا شخص معتوه ... طلقني يا ابن حسنيه

قال : كيف أطلقك يا جزمه وانا لم اتزوجكي أصلا .. قومي لمي هدومك وانطلقي وسلامي لامك
 يسريه

قالت : هيهيهيهيهيهيهيهيهي اتلقا وعدك يا عنيا



اتمطع حبا علي سريره وفي لحظه اتشقلب ع الارض

قالت : اسم الله عليك يا زوجي وصباح النور علي عينك

قال : من أوقعني أرضا

قالت : قد نمت كثيرا يا روحي قوم يلا انا حضرت القهوه

قال وقد فنجل عينه : قهوه !! مش لسه شاربها وياكي ؟

قالت والفرحه في عينيها : هل كان الحلم .... عليا

قال وقد صلب طوله : طبعا يا روحي ... ربنا يحميكي و... يخليكي
 ... ليا

قالت والفوطه علي يدها : طب خش اتظبط واخرجلي وهحضر بإيديا القهوه


قد مر الوقت بل عوده وصاحبنا قاعد ع الكنبه ومخلص فنجان القهوه ومراته مدت
ايدها

راح ماسك ايدها وقبلها وراح باصص لعنيها شويه وقام قايل ليها في لهفه وشوق وحنيه


بلاش تقري الفنجان النهارده

وفي عقله شغال الحلم مرعوب الاهبل من وهم ال ايه مرعوب لاحسن تعرف

ونهايته تكون زي الورقه

قام رايح قاعد بجوارها

وحضنها شويه وقبلها

وفي لحظة بئا م اللي هي

قالها بلغه متهتهيا

يا مراتي يا حبيبتي يا روحي

اديني ابوس ايدك التانيه

واديني العصمه في ايديا





إرسال تعليق
مازلت عايش في الحياه بكيفي