الامـتحانات والـسياسه






علي غرار انشودة ألتراس الزمالك 
( جينا الليله جينا نادي الزمالك هو ناديـنا ... ) 
قررت تغيرها في ايام الامتحانات الي .. 

جـينا الليله جـينا 
ع الامـتحان والفشخ جـامد فينا 
لا اداره ولا اقـتصاد 
هنشيل الترم , والكل هيشمت فينا 

..

الدكاتره عندنا الترم ده بتمارس معانا امتحانات جنس جماعي :) الماسونيه يا عم توفيق الماسونيه أي والله يا شيخ

..

انا جايب مذكره , اللي عاملها كان مترشح لمجلس الشعب وسقط , تفتكر انا كده بفول علي نفسي :)

..

احنا بيجيلنا امتحانـات الترم ده بالطريقه ده 

اختار الاجابـه الاصح للسؤال التالي : 
س: يتكون العالم من ..
1/ قارة افريقيا 
2/ قارة اسيا 
3/ قارة اوربا 
4/ قارة امريكا الشماليه 
5/ قارة امريكا الجنوبيه 
6/ االقاره اللي مش عارف اسمها ههههههه 

بس انا متمكن , بسم الله الرحمن الرحيم الاجابه " تـونس "

..

كان نفسي اطلع ممثل -- بس لاقيتهم بيحفظوا كتير قولت احيه  هو الحفظ ورايا ورايا مش حافظ ومش ممثل انا أألف وأكتب أفلام واجيب ممثلين افشخهم في الحفظ :) 

..

سبب كرهي لـ 2012 كتيييييييير اولهم ان درسي فاشخني والامتحانات فاشخني والجو برد فشخ كفاايه فشخ وبينا نعمل نيكست ونطير علي 2013

..

انا مش مسؤل ع اللي هيحصل المواد العملي ومش فاهمها والمواد النظري ومبعرفش احفظ انــا مش مسؤل

..

بموناسبة فراغ الامتحانات , شعور غريب انك تسيب مذاكرتك وتقعد تسجل صوتك وتسمع نفسك لا وايه وتستغرب ان ده صـوتك , فتروح الامتحان وطبيعي انك تستغرب ان الاسئله دي في المنهج :) 

..

مــ الاخر وبــصراحه , الـنجاح لـه نـاسه :) 

..

 ساعات بحس ان الثوار " بتسرح " منهم شويه -ـ وساعات بحس ان الاخوان " بتهرب " منهم اما المجلس العسكري بئا :) " هايجه " منه خالص

..

في صفحه ع الفيس اسمها " عايزه اتجوز ظابط شرطه " و" عايزه اتجوز ظابط جيش " بتاع الشرطه 10 الاف معجب والجيش 3 بس :) شعبية الجيش بتنزل
منك لله يا طنطاوي 

..

 في الانتخابات قابلت مرتضي منصور : قولتله : تعالي نغديك يا ريس , كانت نيتي اجيبه البيت واكتبلكم علي تويتر العنوان :D

..

هخلص امتحانات يوم 24 -- يوم 25 بئا هبئا في الميدان بهتف 
عـيش - حريـه - مـقبول في الكليه :)

..

 قبل ان تسأل عن حق الشهداء -ـ مــ الاخر انت اصلا خدت حقك .. !! يبئا كمل الثوره يا روح النانا , بس عرفني الاول يعني ايـه " نانا " 

..

مـن ساعة ما الامتحانات هجمت والكتابه مخصماني -ـ مش عارف اكتب اي حاجه , حتي في الامتحان
 :)

..

لـو كنت صاحب احساس كـ أنغام وصـوت كـ نجاة وحنجره كـ أم كلثوم ووسط كـ فيفي عبده وجسد كـ هيفاء وصدر كـ إليسا ودلع كـ نانسي لحكمت العالم

..

 حب لاخيك ما تحبه لنفسك -ـ يـــارب لو سقط الكل يسقط زيي :D

..

 احنا مكتوب علينا نفضل دولـه " تاريخيه " مش مكتوبلنا نكون دوله " عـصريه " ولا حتي مغربيه .. !!

..

الدوله التي تملك " موقع " ع الانترنت في حالة اغلاقه يـضر العالم -ـ افضل الان من الدوله التي تملك قناه او طريق وتـضر غيرها بإغلاقه 

..

 واحد ساذج بيقولي , المجلس العسكري 20 راجل ومش قادرين ع البلد , عايزين تمشوهم وتجيبو خمسه سته .. !!
 المركب اللي ليها ريسين بتغرق , واللي ليها 20 بتولع في البحر ومبتلاقيش ميه تطفيها , واخدلي بالك انت يا مجمع يا علمي :D

..

المجلس العسكري بيفكرني بنفسي , عايز ينجح من غير ما يذاكر ويقبض من غير ما يشتغل ويـُشكر علي افعال معملهاش :D ايــــــــه دنـيا " سمير غانم " :)

..

أنـــا أحمل المجلس العـسكري نتيـجة نتيجتي هذا الترم مليش دعـوه انا عايز انجح 
عايز انجح والنبي :( 





تابعني علي تويتر 





إرسال تعليق
مازلت عايش في الحياه بكيفي