معدش ينفع ولاكنش ينفع
كل اللي حاصل واللي حصل واللي هيحصل
تتعدد الاسباب والنتيجه دايما واحده
عيالنا يشيلو الليله , ونحط في بوقنا جزمه
مهو الكبار معندهومش وقت لحمايتنا
بئو مشغولين في السياسه والسياسه وسخه
بدل ما يحميلنا الحدود بيحارب ع الصينيه
ولادنا يموتو ع الحدود , وهو يعري الوليه
وساخة القياده في السياده ع الوساخه
وكل مره يموت شويه يقولو هنعمل حاجه
يومين تلاته خمسه شهر وعادي عدي
برضو المسؤل مازال مسؤل مهو فلت وعدي
مفيش عقاب في البلدي الا للغلابه
نموت نضحي للبلد والاصل للديابه
مفيش وطن حاليا اسمه مصر
بقولك الخلاصه وانت حـــر
مستني ايه مـ اللي قتل اخوك قصاد عنيك
مستني يجيبلك حقك لو غيره جار عليك ؟
مع اعتذاري تبئا واطي في الذكاء
مع احترامي تبئا غاوي للبلاء
مع الرجاء , منتنظرش انتقامه
اذا هو ولا التاني لما موت قدامه اختار سكاته
مستني منهم يتصدرو مشهد الحديث
ولما كنت ضدهم يصدرو البوليس
يعني مفرقش معاهم تموت برصاصهم
هيفرق يعني لما تموت برصاص أعدائهم
فين الدماغ ؟
ادعي ربنا
وقوله يارب اللي حاكمنا , مسترخصين دمنا
كلنا معدش لينا اي لزمه
تحصل مصيبه نعدي منها , نلبس في أزمه
وهي دي الحدوته للي عامل نفسه فاهم
وان حد قالك غير كده قوله - بس يا جاهل
كان عسكري الحدود يوميها صايم
والمغرب أدن . ويدوبك لسه قايم
لقي الرصاص كأنه مطره نازله فوقه
معرفش يعمل ايه , زعق في اصحابه " فوقو
لكن الرصاصه , كانت اسرع من صوته
وصلت في صدر صاحبه وأعلنت مماته
وأعلنت نهايته واستمرار سوكاته
ومماتش هو وحده هو وكل صحابه
وزي كل مره نغضب , ونثور
ونسينا ان مبني بينا وبين كرامتنا سور
كسره , لو عايز حقك , لو عايز نور
هيطلعو يقولولك شوفت بعينك الطرف التالت
قولهم شوفت , بس انا في مكاني ثابت
مدام مليش جوه الحدود كرامه
ازي يكونلي ع الحدود حصانه
خلي عندك فراسه , وافهمها وهي طايره
هتشوف حقيقي مين المذنب
وهتقلي الصوره واضحه !
وافتكر دايما
معدش ينفع ولاكنش ينفع
كل اللي حاصل واللي حصل واللي هيحصل
بتتعدد الاسباب والنتيجه دايما واحده
عيالنا يشيلو الليله , ونحط في بوقنا جزمه
معدش ينفع ولاكنش ينفع
كل اللي حاصل واللي حصل واللي هيحصل
بتتعدد الاسباب والنتيجه دايما واحده
عيالنا يشيلو الليله , ونحط في بوقنا جزمه
مفرقش معاهم تموت برصاصهم
هيفرق يعني لما تموت برصاص أعدائهم
مفيش وطن حاليا اسمه مصر
انا قولت اللي عندي وسايبك وانت حر
0 عايز تقول رائيك؟:
إرسال تعليق