بـعد التحيه




صـباح / مـساء الخير حسب التوقيت المحلي لغرفة كل واحد فيكم .

فاتني كتييير أحداث كان نفسي أكتب فيها بس للأسف " كسل الكاتب " أصعب عليه من الشلل نفسه .
ملل , زهق , قرف , فرح , نجاح , تفائل , مليون احساس واحساس جووه مني في نفس الوقت بقالي فتره ليست بالقصيره .
حتي بقالي كذا يوم ناوي أكتب تدوينه عشان جوو الكتاب هنا وحشني جدااااا
لكن كالعاده الكسل يحتلني .

بس انا عندي اسباب كتير منعتني من الكتابه في الفتره الاخيره !
منها الاحداث المتتاليه المتصارعه المتسابقه والتغييرات اللي بتحصل كل يوم في بلدنا !
زمان كنت أزعل أكتب , أفرح أكتب
دلوقت أزعل أنام , أفرح أخرج !

بقيت ألعب بينج بونج تقريبا بشكل يومي , اللعبه دي اعتقد انها شدتني كتير من الكتابه مش بس ع المدونه تؤ حتي ع الفيس بوك وتويتر !
القاعده الحلوه مع نفس الاصدقاء كل يوم هاهاهاها من كتر الروتين اللي حاصل اتعودت عليه وبقي غير الروتين ده مش عارف اعمله !

كنت ناوي أعمل مفاجأه وأنزل بكتابين مره واحده في اخر رمضان او في ايام العيد كعادتي , ولكن وللأسف فشلت والوقت هزمني وأعترف ومش هقدر أنزل كتب خالص الفتره دي .
مممممم ممكن برضو فكرة دخولي عالم الراب " كـ هاوي " واني عملت اغنيتين في اقل من شهر وفكرة الاهتمام والبحث في المجال ده يكون واخد جزء كبير من وقتي ده موجود فعلا .
حتي الان في صراع داخل نفسي هل اهتم بالراب والغني علي حساب الكتابه ؟
رغم ان الغُني بوصل بيه كلماتي وكتاباتي بشكل أبسط وأسهل وأسرع للناس الا اني واثق ان الكتابه هي اللي هتكسب في الاخر لاني بحب اكتب اكتر من اي حاجه تانيه .

انا بس اللي تاعبني فكرة ان بقالي فتره ليست بالقصيره مكتبتش , وفكرة ان عندي كذا كتاب وروايه مفتوحين ومش عارف أخلصهم .
القصه في دماغي والاحداث انا ملم بها وكل حاجه بس مش لاقي نفس اني أخلصهم رغم ان الـثلاث او الاربع كتب اللي هينزلو ليا بعد فتره هيكونو أهم أعمالي علي الاطلاق ويمكن ده اللي مخوفني اني أخلصهم بسرعه ؟
في روايه فيهم انا لسه مستقرتش علي اسم ليها بكتب فيها بقالي سنه ونص ومش عارف أخلصها من كتر منا حاببها وحاسس انها هتكون قصه مهمه جدااا في حياة كل اللي هيقرأها بإذن الله .


طيب عموما هحاول ألخص اللي في دماغي في كذا نقطه مهمه جدااا 

1 - مفيش كتب ليا في وقت قريب
2 - انا مبسوط من مرسي جداا الايام دي
3 - انا نجحت وبقيت في سنه رابعه كليه وادعولي اتخرج السنه الجايه
4 - كمان شهر هيبئا عندي 21 سنه بالتمام والكمال
5 - كل أعمالي القادمه سواء كتابه او اغاني هتكون بمستوي راقي ان شاء الله
6 - وكده يعني
XD


استنوني في العيد يمكن يــــمكن أعمل حاجه جديده
الله اعلم هتكون ايـــه بس ربنا يسهل :)
بالإذن


إرسال تعليق
مازلت عايش في الحياه بكيفي