طريق مسدود

طريق مسدود , ومتحدد

ومش مسموح تفكر ولا تتردد

مدام داق الطريق رجلك

لو فكرت تخرج عنه , هتتأدب وتتهدد

وحتي لو مهوش هدفك

لازم تمشيه

وحتي لو سرق أملك

ماسكك واتدبست فيه !

طريق خيبتك !

.......

وانـا مين اللي ينصرني !

علي واحد بيظلمني

مكدرني وحالف في حيطان اليأس , يلبسني

لـ ملاك الموت يسلمني واحد سكران

وأخش النار , وهو  راح يكون ندمان

يا مين يعتب عليه مره

ولو حتي بنظره

وامتي هيعرف الظالم بإني نفسي يوم أبعد

بس ازاي !

وهو في روحي ساكني

هو انا !

....

ارحلي

وبتمنالك الخير اللي يرضيكي

ياريت كنت أقدر أرضيكي

مكنتش لحظه هتأخر

ياريت تدعيلي اني أصبر

يااه لو كات الفلوس عندي ألوف ملايين

وأستمتع بكلمة ربنا يحميك مـ العين !

وأجيبلك كل يوم خاتم

واسيب مظلوم يغور وأصبح انا الظالم

زهقت الظلم والحرمان

كرهت زمان !

لكن عارفه , مين اللي يدري لو غني

اني أرضي بيكي

فـ ارحلي .. !